13:46, 14 - قىركۇيەك 2018 | GMT +5
سينوپتيكتەر الداعى ءۇش كۇنگە اۋا رايى بولجامىن جاريالادى
استانا. قازاقپارات - سينوپتيكتەردىڭ بولجاۋىنشا الداعى 15-17- قىركۇيەكتە قازاقستاننىڭ باسىم بولىگىندە كۇن رايى اشىق بولادى، دەپ حابارلايدى قازاقپارات قازگيدرومەتكە سىلتەمە جاساپ.
قازاقستاننىڭ كوپتەگەن وبلىستارىنداعى اۋا رايىنا انتيتسيكلون ىقپال ەتەدى. سولتۇستىك سىبىردەن ىعىسقان سالقىن اۋا اعىنى جاۋىن-شاشىنسىز بولعانىمەن تەمپەراتۋراسى كليماتتىق نورمادان دەڭگەيدەگى سالقىن اۋا رايىن ساقتاپ قالادى.
رەسپۋبليكانىڭ شىعىسىندا تەك دۇيسەنبى كۇنى كەي جەرلەردە جاڭبىر جاۋۋى ىقتيمال، سونداي-اق، رەسەيدىڭ ەۋروپالىق بولىگىنەن ىعىسقان تسيكلون كەلگەن كەزدە ەلىمىزدىڭ باتىس وڭىرلەرىندە جاڭبىر جاۋادى.
