جاڭا كولىكتەر نارىعى: رەسەيلىك جانە جاپوندىق ماركالار كوپ ساتىلدى
بۇل تۋرالى «قازاۆتوونەركاسىپ» اۆتوكولىك سالاسىنداعى كاسىپورىندار وداعى ءمالىم ەتتى، دەپ حابارلايدى قازاقپارات.
«ەسەپتى كەزەڭدە قازاقستان تۇرعىندارى جاڭا جەڭىل كولىكتەردى الۋعا 304,6 ميلليارد تەڭگە جۇمسادى. تەك تامىز ايىندا 5266 اۆتوموبيل ساتىلدى»، - دەپ اتاپ وتىلگەن حابارلامادا.
اتالعان مەرزىمدە ەل اۋماعىندا وتكىزىلگەن كولىكتەردىڭ 19144 ءى يمپورتقا تيەسىلى بولسا، ال قالعان 17 مىڭى قازاقستاندىق اۆتوزاۋىتتاردىڭ ونىمدەرى.
بەلگىلى بولعانداي، سۇرانىسى جوعارى برەندتەردىڭ رەيتينگىندە Lada الدىڭعى ورىنعا شىقتى. بيىلعى قاڭتار-تامىزدا ەل اۋماعىندا رەسەيلىك وسى ماركانىڭ 8329 ى وتكىزىلدى. ال ساتىلعان Toyota مودەلدەرى 8023 داناعا جەتتى. ءۇشىنشى ورىننان 4840 كولىگى ساتىلعان Hyundai كورىندى. سونىمەن قاتار، سۇرانىسقا يە كوشباسشىلاردىڭ بەستىگىنە GAZ (1734 كولىك) جانە Ravon (1727 كولىك) ەندى.
«جەڭىل كولىك مودەلدەرى رەيتينگىندە Toyota Camry 2981 كولىك، Lada Granta 2429 جانە جول تالعامايتىن Lada 4x4 1972 كوش باستاپ تۇر. كوپ ساتىلعان توپ-5 مودەلدەردىڭ قاتارىنان Hyundai Tucson 1603 مەن Toyota Land Cruiser Prado 1249 كورىندى»، - دەلىنگەن «قازاۆتوونەركاسىپ» مالىمەتىندە.
اۆتور: رۋسلان عابباسوۆ
