اتاقتى باسىلىمدار قازاق رەجيسسەرىنىڭ تالانتىنا ءتانتى بولدى
فيلمنىڭ الەمدىك تۇساۋكەسەرىنەن كەيىن باتىستىڭ الەمگە ايگىلى باسىلىمدارى «وزەن» فيلمى تۋرالى جارىسا جازىپ، وڭ پىكىرلەرىن ءبىلدىرىپ جاتتى:
Hollywood Reporter: ەمير بايعازيننىڭ ءستيلىن فيلمنىڭ ءار كادرىنان بايقاۋعا بولادى. كومپوزيتسياسى وتە ۇيلەسىمدى، ونىڭ وبرازدار ءۇيدىڭ ينتەرەرىندە، اۋىلدىق ەكستەرەرىندە، ءتىپتى ەكسپانسيۆتى سۇلۋ تابيعات اياسىندا وتە ورىندى. رەجيسسەر العاش رەت فيلمنىڭ قويۋشى وپەراتورى رەتىندە باق سىنادى. كارتينانىڭ كەڭ كادرلارى كەڭىستىكتىڭ ديناميكا كوزقاراسىمەن قاراعاندا شەبەر تۇسىرىلگەن، ال كەيىپكەرلەر شىنايى سومداعان. كامەرانىڭ قوزعالۋى دا از. «وزەن» - ارت- حاۋستان تىس جۇمباققا تولى ساياحاتتىڭ وعاش جانە تارتىمدى وبرازى. ۆيزۋالدى جاعىنان وتە كەرەمەت جانە گۋمانيستىك زەرتتەۋلەرگە دە باي تۋىندى.
Screen Daily
رەجيسسەر ەمير بايعازيننىڭ اسلان تۋرالى تريلوگياسىنىڭ ("ۋروكي گارموني"، 2013, جانە "رانەنىي انگەل"، 2016) سوڭعى ءبولىمى - «وزەن» فيلمى قىسىم كورسەتۋ مەن بوساتىلۋدىڭ وقيعاسىن باياندايتىن، كورەرمەننىڭ كوڭىلىن اربايتىن فيلم. تاۋەكەلگە بەل بۋىپ، ەركىن ويلايتىن اۆتورلىق كينو ديستريبيۋتورلارىن شاقىراتىن ۇستامدى جانە قاتال مىنەزدى تۋىندى. ەمير بايعازيننىڭ كينەماتوگرافيالىق ستيلىندە جەكە بوستاندىق، ەلىكتىرۋ جانە وتباسى قارىم- قاتىناستارى سۇراقتارىن زەرتتەيتىن بايانداۋدىڭ جاسىرىن ماعىناسى بار.
Cineuropa
«وزەن» فيلمى «كوكجيەكتەر» باعدارلاماسىنداعى ەڭ ۆيزۋالدى ەكستروۆاگانتتى تۋىندى. بۇل فيلم ەمير بايعازيندى باتىل اۆتورلىق رەجيسسەر ەكەنىن تاعى دا دالەلدەي ءتۇستى. سەناريست، رەجيسسەر ەمير بايعازين ءوزىن العاش رەت قويۋشى وپەراتور رەتىندە تانىستىرىپ وتىر. ونىڭ قولىندا كامەرا كومپوزيتسيانى ەرەكشە سەزىپ، الەمدى اسا قۇرمەتتەپ سىيلايتىن ۆيزۋالدى قۇرالعا اينالادى. فيلمنىڭ وبرازى - شىنايى ءومىر مەن ميفولوگيا الەمنىڭ اراسىندا وقيعا ءتارىزدى. باتىس وركەنيەتىنەن، زاماناۋي تەحنولوگيالار مەن پوپ- مادەنيەتىنەن الشاق ءداستۇرلى ومىرگە قول سۇققان بۇگىنگى كورىنىس.
Nonsolocinema
ەمير بايعازين جاس اكتەرلارمەن تاماشا جۇمىسىن تاعى دا كورسەتە الدى. ەكراندا ءومىردىڭ شىنايلىعىن باتىل كورسەتە ءبىلدى. اعايىندىلاردىڭ تارتىمدى وبرازدارى، سونداي- اق قاناتتىڭ بەينەسى ورتالىق ازيا كينو تاريحىندا قالاتىنى ءسوزسىز.
NOW
بەس اعايىندىنىڭ ءومىرى تۋرالى ەرەكشە كوزقاراستا تۇسىرىلگەن فيلم كورەرمەننىڭ شىدامدىلىعىن تەكسەرەدى. وسى جارقىن وبرازدار تۋرالى ويلاۋعا ماجبۇرلەيتىن بۇل فيلمدە وتكىر تىلدىلىكتى، ساياسي اللەگوريانى كورىپ تاڭ قالاتىنىڭىز عاجاپ ەمەس.
Cinemascope
ەمير بايعازين - سەزىمتالدىلىق پەن سابىرلىلىق ساقتايتىن رەجيسسەر. رەجيسسەر تريلوگيانىڭ بارلىق اتموسفەراسىن جانە ءريتمىن انىقتايتىن ءۇشىنشى ءبولىمىن ۇسىندى.
IONCINEMA
ەمير بايعازين كونە داستۇرلەردىڭ زاماناۋي الەممەن قاقتىعىسىنىڭ پورترەتىن اشىپ بەرىپ وتىر. بايعازين بۇل فيلمدە قويۋشى وپەراتور رەتىندە دە اتسالىسىپ، وزەن الەمىن قاشۋ تۋرالى داستاننىڭ تانىستىرىلىم رەتىندە كورسەتتى.
Cinematografo
«وزەن» كورەرمەندى ماگيا مەن رەاليزم ارباپ، مەتافيزيكالىق الەمگە اۋىستىرادى. شىنايى كوركەم تۇسىرىلگەن فيلم. ەستەرىڭىزگە سالا كەتسەك، ەمير ءبايعازيننىڭ العاشقى دەبيۋتتىك جۇمىسى «اسلاننىڭ ساباقتارى» فيلمى قازاق كينەماتوگرافياسى تاريحىندا تۇڭعىش رەت 63- بەرلين كينوفەستيۆالىنىڭ نەگىزگى بايقاۋىنا ىرىكتەلىنىپ، «ۇزدىك وپەراتور» نوميناتسياسىندا «كۇمىس ايۋ» جۇلدەسىمەن ماراپاتتالدى (2013) . تريلوگيانىڭ ەكىنشى ءبولىمى - «ءتورت وقيعا» فيلمى دە بەرلين كينوفەستيۆالىنىڭ Panorama Special باعدارلاماسى شەڭبەرىندە العاش كورسەتىلدى (2016) . 2018 -جىلى تامىز ايىندا ەمير بايعازين رۋمىنيادا وتكەن Anonimul كينوفەستيۆالىندە «كينو سالاسىنىڭ دامۋىنا قوسقان ۇلەسى ءۇشىن» ارنايى جۇلدەسىمەن ماراپاتتالدى. ايتا كەتسەك، وسى فەستيۆال شەڭبەرىندە رەجيسسەردىڭ اق- قارا تۇستە تۇسىرىلگەن «جۇلدىزداردى كورگىڭىز كەلە مە؟ » فيلمىنىڭ تۇساۋكەسەرى وتكەن بولاتىن.
Massaget.kz
