سارسەنبىدە اۋا رايى قانداي بولادى؟
اتموسفەرالىق اۋا اعىنداردىڭ وتۋىنە بايلانىستى، قازاقستاننىڭ باسىم بولىگىندە جاۋىن-شاشىن ساقتالادى. تۇنگى جانە تاڭەرتەڭگى ۋاقىتتا سولتۇستىك باتىس، سولتۇستىك جانە ورتالىقتا جاڭبىردىڭ سوڭى قارعا ۇلاسۋى ىقتيمال، تەك ەلىمىزدىڭ باتىسىندا وڭتۇستىك جانە وڭتۇستىك شىعىستا جاۋىن-شاشىنسىز اۋا رايى بولجانادى.
كەي جەرلەردە جەل كۇشەيۋى كۇتىلەدى، وڭتۇستىكتە جەل شاڭدى داۋىل بولادى. شىعىستا جەكەلەگەن اۋدانداردا نايزاعاي جارقىلداپ، كۇندىز بۇرشاق جاۋۋى ىقتيمال.
رەسپۋبليكانىڭ سولتۇستىك جانە ورتالىق بولىگىندە تۇندە جانە تاڭەرتەڭ تۇمان جانە ۇسىك كۇتىلۋدە. شىعىس قازاقستان، قوستاناي وبلىستارىندا كەي جەرلەرىندە نايزاعاي، جەلدىڭ جىلدامدىعى 15-20، كۇندىز 25 م/س جەتەدى، كۇندىز كەي جەرلەرىندە بۇرشاق جاۋۋى ىقتيمال.
سولتۇستىك قازاقستان، پاۆلودار وبلىستارىنىڭ كەي جەرلەرىندە تۇندە جانە تاڭەرتەڭ تۇمان، كۇندىز جەلدىڭ 15-20 م/س كۇشەيۋى كۇتىلەدى. قاراعاندى وبلىسىنىڭ كەي جەرلەرىندە تاڭەرتەڭ تۇمان، تۇندە جەلدىڭ 15-20 م/س كۇشەيۋى كۇتىلەدى.
جامبىل، كۇندىز تۇركىستان، قىزىلوردا وبلىستارىنىڭ كەي جەرلەرىندە جەل 15-20 م/س كۇشەيەدى. قىزىلوردا وبلىسىندا شاڭدى داۋىلمەن سوعادى. اقمولا وبلىسىنىڭ كەي جەرلەرىندە تۇمان كۇتىلەدى.
تۇندە قوستاناي، اقمولا، سولتۇستىك قازاقستان، پاۆلودار، قاراعاندى وبلىستارىندا 1-3 گرادۋس ۇسىك جۇرەدى.
ال قىزىلوردا، تۇركىستان، جامبىل، ماڭعىستاۋ وبلىستارىنىڭ باسىم بولىگەندە، اتىراۋ، باتىس قازاقستان، اقتوبە جانە قاراعاندى وبلىستارىنىڭ كەي جەرلەرىندە جوعارى ءورت قاۋىپى ساقتالادى.
