استانادا باۋكەسپە ۇرى ءوزىنىڭ ارەكەتىن ۆيدەوعا ءتۇسىرىپ وتىرعان
قىلمىستىق پوليتسيا قىزمەتىنىڭ اقپاراتىنا قاراعاندا، ماشينا سالونىنان زات ۇرلاۋعا قۇنىققان كۇدىكتى ءبىر سەناري بويىنشا ارەكەت ەتكەن - جابىرلەنۋشىلەردىڭ اۆتوموبيلىنىڭ قۇلپىن بۇزىپ كىرىپ، سالونداعى اۆتوماگنيتولالاردى، كولىك يەلەرىنىڭ جەكە بۇيىمدارىن، ت. ب. قولدى ەتكەن.
«ۇرلىقتىڭ ءبارى تۇنگى ەكى مەن تاڭعى بەستىڭ ارالىعىندا بولعان. ول كەز كەلگەن ماركاداعى كولىكتى تونايتىن بولعان»، - دەلىنگەن حابارلامادا.
كۇدىكتى ءوزىنىڭ ارەكەتىن تەلەفونىمەن ۆيدەوعا ءتۇسىرىپ وتىرعان.
«ەر ادام ۇرلىق جاساۋمەن شەكتەلمەي، ماشيناعا بارىنشا زالال كەلتىرۋگە تىرىسىپ، سالونداعى دەتالداردى سىندىرا بەرگەن»، - دەيدى پوليتسەيلەر.
10 -قىركۇيەكتە كۇدىكتى ۇستالدى، بۇدان تىس، ونىڭ ارەكەتتەرى ۆيدەوباقىلاۋ كامەرالارىنا دا ءتۇسىپ قالعان. بەلگىلى بولعانىنداي، ول بۇعان دەيىن دە «توناۋ» بابى بويىنشا قىلمىستىق جاۋاپقا تارتىلعان ەكەن.
ەر ادام تەرگەۋ كەزىندە بەس ۇرلىق فاكتىسى بويىنشا ايىبىن مويىنداعان. تاركىلەنگەن بۇيىمدار يەلەرىنە قايتارىلدى.
كۇدىكتى ءى ءى د تەرگەۋ يزولياتورىنا جىبەرىلدى. ق ر قىلمىستىق كودەكسىنىڭ 188-بابى، 2-بولىگى بويىنشا سوتقا دەيىنگى تەرگەپ-تەكسەرۋ شارالارى ءجۇرىپ جاتىر. سونداي-اق پوليتسەيلەر كۇدىكتىنىڭ قالا اۋماعىنداعى وسى تاقىلەتتەس باسقا قىلمىستارعا قاتىسىنىڭ بار- جوعىن تەكسەرىپ جاتىر.
