12:42, 11 - قىركۇيەك 2018 | GMT +5
جاڭعاقتاردى باسىمەن جارىپ شىققان جىگىت جاڭا رەكورد ورناتتى
استانا. قازاقپارات - ءۇندىستاندىق ازامات 217 جاڭعاقتى ءبىر مينۋت ىشىندە باسىمەن جارىپ، جاڭا رەكورد ورناتتى.
وسىعان دەيىنگى ەڭ جوعارى كورسەتكىش 155 جاڭعاق بولعان دەپ حابارلايدى korrespondent.net سايتىنا سىلتەمە جاساعان NUR. KZ.
گيننەستىڭ رەكوردتار كىتابىنا ەنگەن ناۆين كۋمار اندحرا-پرادەش شتاتىنىڭ نەللور قالاسىندا تۇرادى. Youtube جەلىسىندە پايدا بولعان ۆيدەودا ول قاتار تۇرعان جاڭعاقتاردى باسىمەن جارىپ، اينالاسىنداعى ادامداردى تاڭعالدىرۋدا.
ايتا كەتەيىك، وسىعان دەيىن جاڭعاقتى باسپەن شاعۋدان رەكورد ورناتقان پاكىستاندىق ازامات موحامماد راشيد بولاتىن. ول 155 جاڭعاقتى ءبىر مينۋت ىشىندە جارىپ ۇلگەرىپتى.
