شەتەلگە شىعۋ جەڭىلدەيدى
«تۇلعانى كۋالاندىراتىن قۇجاتتار جونىندە» قازاقستان رەسپۋبليكاسىنىڭ زاڭىنا سايكەس، قازاقستان رەسپۋبليكاسى ازاماتىنىڭ ءتولقۇجاتىنا اتا-انالارىمەن بىرگە شەتەلگە شىققان 16 جاسقا دەيىنگى بالالاردىڭ سۋرەتىمەن بىرگە ولار تۋرالى جازبا ەنگىزىلۋى مۇمكىن.
بۇعان دەيىن شەكارادان ءوتۋ ءۇشىن اتا-انالاردىڭ ءتول قۇجاتتارىنا 16 جاسقا دەيىنگى بالالاردىڭ سۋرەتتەرىن جابىستىرىپ كەلگەن ەدى. جاڭا وزگەرىستەر 2019-جىلعى 1- قاڭتاردان باستاپ كۇشىنە ەنەدى.
ەڭبەك دەمالىسىنا شىققان نەمەسە تۋريستىك ماقساتتا شەتەلگە باراتىن وتانداستارىمىز ءۇشىن بۇل ماشاقاتتى تىرلىك بولاتىن. الەمدەگى لاڭكەستىك پەن ەكسترەميزم قاۋپىنىڭ كۇشەيۋىنە بايلانىستى كوپتەگەن ەلدەر شەكارالارىنان وتكىزۋ ءتارتىبىن قاتايتۋعا ءماجبۇر.
شەنگەن ايماعىنداعى ەۋروپا ەلدەرى، ا ق ش، ب ا ءا ەلدەرىنىڭ تالابى قاتال. شەكاراسىنان ءوتۋ ءۇشىن اتا-اناسىمەن بىرگە ەلدەن سىرتقا شىعاتىن 16 جاسقا دەيىنگى بالالاردان قازاقستان رەسپۋبليكاسىنىڭ ازاماتى ەكەنىن راستايتىن قۇجاتتىڭ بولۋى مىندەتتى تۇردە بولىپ كەلدى.
ىشكى ىستەر مينيسترلىگى قازاقستان ازاماتتارىنا وزگە ەلدەردىڭ شەكارالارىن وڭايلىقپەن وتۋگە مۇمكىندىك جاساۋ ءۇشىن اتا-انالاردىڭ ءتولقۇجاتتارىنا 16 جاسقا دەيىنگى بالالاردىڭ سۋرەتتەرىن جابىستىرۋعا تىيىم سالۋدى قاراستىراتىن زاڭعا وزگەرىس جاساۋدى ۇسىنادى. ەندى باسقا ەلدىڭ شەكاراسىنان ءوتۋ ءۇشىن بالالارعا جەكە ءتولقۇجات جاسالۋى كەرەك.
اسقار احمەتوۆ
«ايقىن»
