پاۆلوداردا ت م د ەلدەرىندە جوق جوبا جۇزەگە اسىرىلۋدا
«پاۆلودارەنەرگو» ا ق كومپانيالار توبىنداعى ينۆەستيتسيالىق جوبالاردى جۇزەگە اسىرۋ اياسىندا اتالمىش اگرەگاتتا جوعارى جانە ورتاشا قىسىم سيليندرلەرى مەن گەنەراتور اۋىستىرىلماق. قايتا جوندەۋدەن كەيىن تۋربينانىڭ پايدالى جۇمىس كوەففيتسيەنتى ارتىپ، جۇمىسىن اناعۇرلىم ۇنەمدى ەتەدى.
«بۇگىندە ءدىرىل وقشاۋلاعىشتا بولات جاقتاۋلاردى ورناتۋ جانە ىرىلەندىرەتىن قۇراستىرۋ جۇمىستارى اياقتالىپ، گەنەراتوردىڭ ستاتورى ورنىنا قويىلدى»، - دەيدى ج ە و-3 ديرەكتورى يگور گرينيەۆ.
ەنەرگەتيكتەردىڭ ايتۋلارىنا قاراعاندا، اتالعان جوبا قازاقستاندا عانا ەمەس، ت م د كەڭىستىگىندە تۇڭعىش رەت جۇزەگە اسىرىلۋدا. جۇمىستار 2018-جىلدىڭ قازان ايىندا اياقتالادى دەپ جوسپارلانۋدا.
ناتيجەسىندە تۋربواگرەگات قۋاتى 110 مۆتتان 125 مۆتقا ارتادى. ج ە و-3 تە ورىندالىپ جاتقان تاعى ءبىر ءىرى جوبا دەپ 2№ ءتۇتىن قۇبىرىنىڭ قۇرىلىسىن اتاپ وتۋگە بولادى. قازىرگى كەزدە قۇبىر ىرگەتاسىن قۇرىلىسىنا قاجەت بارلىق ازىرلىك جۇمىستارى اياقتالدى.
قۇراستىرۋ جانە ەلەكترتەحنيكالىق جۇمىستاردىڭ بارلىعى 2021-جىلعا دەيىن تامامدالادى دەپ كۇتىلۋدە.
جاڭا ءتۇتىن قۇبىرى ج ە و-3 ستانتسياسىن كەڭەيتۋگە جاعداي جاسايدى. جوعارى اتالعان ەكى جوبانىڭ جالپى قۇنى 2,9 ميلليارد تەڭگە.
