استانادا كوزى ناشار كورەتىندەر ءۇشىن ارنايى اۆتوبۋس باعدارى ءبولىندى
جاڭا باعدار «شۇبار» مولتەك اۋدانى، 78 كوشە، 7 مەكەنجايىنداعى «قازاق زاعيپتار قاۋىمداستىعى» ق ب مەن «ءال-عاني» مەشىتىن كولىكپەن قامتاماسىز ەتۋ ماقساتىندا قۇرىلدى. 1№ ا مارشرۋتى قولدانىستاعى 1№ باعداردىڭ بازاسىندا دايىندالعان. 1№ ا باعدارىنىڭ ءجۇرۋ كەستەسى: - «كيرپيچنىي ت/ا» ايالداماسىنان باستاپ «بارايەۆ كوشەسى» ايالداماسىنا دەيىن 1№ مارشرۋتتىڭ كەستەسىمەن سايكەس قوزعالادى، ارى قاراي قابانباي باتىر داڭعىلىنان تىكەلەي ءجۇرىپ ءوتىپ، سولعا - كوسموناۆتار، وڭعا قاراي - اراي كوشەسى - سوڭعى ايالداما «شۇبار» مولتەكاۋدانى.
كەرى باعىتتا اراي كوشەسى، ارى قاراي وڭعا سارايشىق كوشەسى - وڭعا قابانباي باتىر داڭعىلى - ارى قاراي كەستەگە سايكەس قوزعالادى.
«استانا LRT» بۇل شارانى تۇرعىنداردىڭ وزدەرى جاساعان وتىنىشىنەن كەيىن قابىلدانعانىن ايتتى.
«مۇنىڭ الدىندا كوزى ناشار كورەتىندەر الىستا ورنالاسقان ايالداماعا كەلۋگە ءماجبۇر بولاتىن، ال قازىر اۆتوبۋس «شۇبار» مولتەكاۋدانىندا ورنالاسقان «قازاق زاعيپتار قاۋىمداستىعى» ق ب ورنالاسقان جەرگە دەيىن جاقىنداتىلدى.
اتالعان اۆتوبۋس كۇنىنە 10 رەت قاتىنايدى، ارالىعى 40 - 55 مينۋتتان. ۋاقىتى: تاڭعى ساعات 06.30 دان كەشكى 20:57 گە دەيىن.
