گولوۆكين-الۆارەس بوكس كەشىنىڭ باستالۋ ۋاقىتى بەلگىلى بولدى
Golden Boy پروموۋتەرلىك كومپانياسىنىڭ حابارلاۋىنشا، ءبىرىنشى جەكپە-جەك قىركۇيەكتىڭ 15 ىنەن 16 ىنا قاراعان ءتۇنى استانا ۋاقىتى بويىنشا ساعات 3:00 دە باستالادى.
PPV تىكەلەي ەفيرىنىڭ الدىنداعى كەزدەسۋلەر Facebook الەۋمەتتىك جەلىسىندە كورسەتىلەدى.
امەريكالىق HBO جانە شەتەل تەلەارنالارىنداعى اقىلى كورسەتىلىم 16- قىركۇيەكتە استانا ۋاقىتىمەن تاڭعى 6:00 دە باستالادى. سوڭعى اندەركارت جەكپە-جەگىنەن كەيىن رينگكە وقيعانىڭ باستى بوكسشىلارى شىعادى.
WBC، WBA (Super) جانە IBO نۇسقاسى بويىنشا ورتا سالماقتاعى الەم چەمپيونى گەننادي گولوۆكين (38-0-1، 34 ك و) مەن مەكسيكالىق ساۋل الۆارەستىڭ بوكس كەشىنىڭ اندەركارتىندا سەگىز جەكپە-جەك جوسپارلانعان.
PPV ترانسلياتسياسىنا نيكاراگۋالىق ءتورت سالماق بويىنشا بۇرىنعى الەم چەمپيونى رومان گونسالەس (46-2، 38 ك و) پەن مەكسيكالىق مويسەس فۋەنتەسپەن (25-5-1، 14 ك و) تارتىسى، IBF- ءتىڭ ورتاشا سالماقتاعى بۇرىنعى چەمپيونى كانادالىق دەۆيد لەمە (39-4، 33 ك و) جانە يرلانديالىق گەري و'سالليۆاننىڭ (28-2، 20 ك و)، WBO بويىنشا ءبىرىنشى ورتاشا سالماقتاعى چەمپيون، مەكسيكالىق حايمە مۋنگۋيانىڭ (30-0، 25 ك و) كانادالىق برەندون كۋكپەن (20-1، 13 ك و) جەكپە-جەگى كورسەتىلەدى.
ەسكە سالا كەتەيىك، گولوۆكين-الۆارەس اراسىنداعى ءبىرىنشى جەكپە-جەك بىلتىر 16- قىركۇيەكتە سول الاڭدا تەڭ ناتيجەمەن اياقتالعان بولاتىن. ەكىنشى ايقاسقا قازاقستاندىق بوكسشى ءوزىنىڭ بارلىق تيتۋلىن تىگىپ وتىر. ونىڭ The Ring چەمپيونى بولۋعا جانە WBC- ءدىڭ ارنايى بەلبەۋىن الۋعا مۇمكىندىگى بار.
