الماتىدا ايەل ادام ورتتەن ەكى ءسابيدى امان الىپ قالدى

6- قىركۇيەك كۇنى الماتىداعى «اقساي-4» شاعىن اۋدانىندا 9 قاباتتى ءۇيدىڭ ءۇشىنشى قاباتىنداعى پاتەرلەردىڭ بىرىنەن ءورت شىقتى. ءورت سوندىرۋشىلەر كەلگەنشە كورشى ايەل ءبىر جارىم جاسار جانە 7 جاستاعى سابيلەردى ولىمنەن الىپ قالدى.
ابىروي بولعاندا، بالالار وتىرعان پاتەردىڭ ەسىگى جابىق بولعانىمەن قۇلىپتالماعان بولىپ شىقتى. پودەزدەن كۇيىكتىڭ ءيسىن سەزگەن بەيبىتكۇل ىدىرىسوۆا بەتىن ۇيگە كيەتىن حالاتىمەن بۇركەمەلەگەن كۇيىندە، ءتۇتىن باسقان پاتەر ىشىنە كىرىپ كەتكەن. قويۋ ءتۇتىن كوزدى اشىتا باستاعانىنا قاراماستان ول ءومىرىن قاتەرگە تىگە وتىرىپ، بالالاردى الىپ شىققان.
ونىڭ ۇستىنە ول بۇل پاتەردىڭ تۇرعىندارىن جاقسى بىلەتىن بولىپ شىقتى، ياعني ۇيدە بالالاردىڭ بولۋى مۇمكىندىگىن دە بولجاعان.
قارا ءتۇتىنشىڭ ىشىندە بەيبىتكۇلدىڭ ايقايىنا 7 جاستاعا بالا جاۋاپ بەرگەن. بالالاردى تاۋىپ العان سوڭ ولاردى دالاعا الىپ شىققان. ارتىنان ءورت سوندىرۋشىلەرگە حابار بەرگەن. كەيىن ءمالىم بولعانىنداي، بالالاردىڭ اناسى ولاردى از ۋاقىتقا تاستاپ مەكتەپكە كەتكەن.
ابىروي بولعاندا، ورتتەن ەشكىم زارداپ شەكپەدى. الايدا كورشى ايەلدىڭ جانكەشتىلىگى بولماعاندا، جاعدايدىڭ قالايشا ءوربۋى مۇمكىندىگىن ويلاۋدىڭ ءوزى قورقىنىشتى.
الماتى قالالىق ت ج دەپارتامەنتى تۇرعىنداردىڭ بالالارىنا مۇقيات بولىپ، ولاردى مۇمكىندىگىنشە جالعىز قالدىرماۋعا تىرىسۋ قاجەتتىگىن ەسكەرتەدى.