قاراپايىم، ءبىراق ءمانى تەرەڭ سۇراقتار
ءبىز ۇسىنعان سۇراقتارعا ويلانباستان، كوكەيىڭىزگە بىردەن كەلگەن ويمەن جاۋاپ بەرىڭىز، مۇندا دۇرىس نە بۇرىس جاۋابى جوق.
1. ءبىر كەزدە ارمان ەتىپ، ءبىراق ورىنداماعان ءىسىڭىزدى ەسكە ءتۇسىرىڭىزشى. نە كەدەرگى بولدى؟
2. ەلەستەتىڭىز، باقىت الەمدىك ۆاليۋتاعا اينالدى. قانداي جۇمىس ىستەسەڭىز بايىپ كەتەر ەدىڭىز؟
3. الەمدە نە نارسەگە العىس جاۋدىرعىڭىز كەلەدى؟
4. الەم بويىنشا اتاقتى بولاسىز، ءبىراق تاعدىر جازعاننان 10 جىل قىسقا ءومىر سۇرەسىز دەسە، كەلىسەر مە ەدىڭىز؟
5. كەشە نە ىستەگەنىڭىز ەسىڭىزدە مە؟ الدىڭعى كۇنى شە؟ ال ءبىر اپتا بۇرىن؟
6. وزىڭىزگە سىرتتاي قاراعاندا نەشە جاس بەرەسىز؟
7. وزگە ەلگە كوشىپ كەتۋگە ۇسىنىس جاساسا، قاي جاققا بارار ەدىڭىز؟ نە سەبەپتى؟
8. بالالىق شاعىڭىزدىڭ ەستەن كەتپەس ەستەلىگى؟
9. جەدەلساتىنى شاقىرۋ تەتىگىن اشۋمەن قايتا- قايتا باسىپ تۇرىپ، وسىلاي ىستەسەڭىز تەزىرەك كەلەدى دەپ ويلاعان كەزىڭىز بولدى ما؟
10. ءدال بۇگىنگىدەي كۇن بۇرىن 100 رەت بولعانداي سەزىم تۋا ما؟
11. ساتسىزدىكتەرگە توپەپ بەرۋ الدە ءبىر بايقاپ كورۋ، قايسىسى جاقسى؟
12. ومىرىڭىزدە ءبىر- اق نارسەنى وزگەرتە الار بولساڭىز، ول نە بولار ەدى؟
13. جۇمىستان سوڭ ويلانىپ كورىڭىزشى، بوس اڭگىمە ايتۋ الدە ءىس تىندىرۋ - قايسىسى كوبىرەك بولدى؟
14. قىسقا عانا عۇمىردا نەگە جاقسى كورەتىن نارسەلەرگە كوپ كوڭىل بولمەيمىز؟
15. ءسىزدى وزگەلەردەن دارالاپ تۇراتىن نە؟
16. قاتەلىكتەر ساباق الۋ ءۇشىن بەرىلسە، قاتەلەسۋدەن نەگە سونشالىقتى قورقامىز؟
17. كىم بولعىڭىز كەلەدى: باقىتسىز دانىشپان الدە باقىتتى اقىماق؟
18. الدەكىمنىڭ جانىندا ۇندەمەستەن ۇزاق وتىرىپ، ودان كەيىن ءبىر- ءبىرىڭدى وتە جاقسى تۇسىنگەندەي سەزىم بولدى ما؟
19. ءسىز باسقا ادام بولساڭىز، وزىڭىزبەن دوس بولار ما ەدىڭىز؟
20. نەنىڭ جاقسى، نەنىڭ جامان ەكەنىنە ويلانباستان جاۋاپ بەرۋگە بولا ما؟
21. 5 جىل بۇرىن قانداي ىسكە سونشالىقتى باس قاتىرعانىڭىز ەسىڭىزدە مە؟ ال قازىر ونىڭ ماڭىزى بار ما؟
22. تانىسىڭىزبەن اڭگىمە ايتىپ وتىرعاندا، ول ءسىزدىڭ دوسىڭىزدى (دوسىڭىز ەكەنىن بىلمەي) جاماندادى، نە ىستەيسىز؟
23. ءدال قازىر بىرەۋ ميلليون دوللار بەرەتىن بولسا، جاساپ جۇرگەن جۇمىسىڭىزدان شىعار ما ەدىڭىز؟
24. بالاڭىزعا ءبىر عانا كەڭەس بەرەر بولساڭىز، نە ايتار ەدىڭىز؟
25. جاقىن دوسىڭىز جانىڭىزدا ءجۇرىپ، ارالاسپاي كەتتىڭىز نەمەسە ماڭگىلىككە شەتەلگە كەتىپ قالدى، قايسىسىن تاڭدار ەدىڭىز؟
وزىڭىزگە ۇناعان سۇراققا جاۋاپ بەرىپ كورىڭىز، پىكىرگە جازىڭىز. كەي جاۋاپتاردى وزىڭىزدەن دە كۇتپەگەن بولارسىز؟
Massaget.kz
