ترامپ ومىرىندەگى ەڭ جاقسى كەزدەسۋى پۋتينمەن بولعانىن ايتتى

استانا. قازاقپارات - ا ق ش پرەزيدەنتى دونالد ترامپ رەسەي باسشىسى ۆلاديمير پۋتينمەن بولعان كەزدەسۋىن ومىرىندەگى ەڭ جاقسى كەزدەسۋلەردىڭ ءبىرى ەكەنىن مالىمدەدى، ريا نوۆوستي.

«بۇل وتە قىزىقتى. سولتۇستىك كورەيامەن كەلىسسوزدەر جۇرگىزگەنىمدە ولار «ول تىم قاتال، ول تىم قاتال» دەيتىن. ومىرىمدەگى ەڭ جاقسى كەزدەسۋلەرىمنىڭ ءبىرى ۆلاديمير پۋتينمەن بولدى جانە ولار «ول تىم مەيىرىمدى بولدى، ول تىم مەيىرىمدى بولدى» دەگەن. ولار مەنىڭ بوكس جەكپە- جەگىن جاساعانىمدى قالادى. كەرەمەت كەزدەسۋ بولدى»، - دەدى ترامپ مونتانا شتاتى، بيللينگس قالاسىنداعى ميتينگ كەزىندە.

16 -شىلدەدە حەلسينكيدە امەريكا قۇراما شتاتتارى مەن رەسەي پرەزيدەنتتەرىنىڭ العاشقى تولىققاندى كەلىسسوزدەرى ءوتتى. پرەزيدەنتتەر ەكى ساعاتتان اسا اڭگىمەلەسىپ، كەيىن دەلەگاتسيالار كەڭەيتىلگەن قۇرامدا تۇسكى اس ءىشتى، سودان كەيىن ولار جۋرناليستەردىڭ سۇراقتارىنا جاۋاپ بەردى. كەزدەسۋ قورىتىندىسى بويىنشا كوشباسشىلار ەكى ەل اراسىنداعى قارىم- قاتىناستى جاقسارتۋعا مۇددەلى ەكەنىن ءبىلدىردى.

Kaz.tengrinews.kz