عالىمدار ءبىر ءتۇن ۇيىقتاماۋدىڭ قاۋپىن اتادى
بۇل تۋرالى توحو ۋنيۆەرسيتەتىنىڭ عالىمدارى ايتتى، - دەپ حابارلايدى Tengrinews.kz ءتىلشىسى ريا نوۆوستيگە سىلتەمە جاساپ.
عالىمدار جۇرگىزگەن زەرتتەۋ American Journal of Physiology - Endocrinology and Metabolism جۋرنالىندا جاريالاندى. عالىمداردىڭ ايتۋىنشا، دۇرىس ۇيىقتاماعان ادامدار كوبىنە كوپ تاماق ءىشىپ، از قيمىلدايدى جانە 2-تيپتەگى قانت ديابەتىنە شالدىعىپ جاتادى.
وسى رەتتە ماماندار ەكى ءتيپتى جانۋارلارعا زەرتتەۋ جۇرگىزگەن: بىرەۋلەرىنە كوپ دەگەندە 6 ساعات ۇيىقتاۋعا ۋاقىت بەرسە، ەكىنشىلەرىنە ۇيقىعا شەكتەۋ قويماعان.
ءبىراق ەكى توپقا دا مايلى تاعام مەن ءتاتتى سۋلار بەرىلىپ تۇرعان. زەرتتەۋ ناتيجەسىندە دۇرىس ۇيىقتاماعان جانۋارلارداعى گليۋكوزا مەن تريگليسەريدتىڭ (مايدىڭ) مولشەرى ەكىنشى توپقا قاراعاندا ايتارلىقتاي كوپ بولعانى انىقتالعان. ال تريگليتسەريدتىڭ مولشەرى كوبەيسە، عالىمداردىڭ ايتۋىنشا، 2-تيپتەگى قانت ديابەتىنىڭ پايدا بولۋ قاۋپى ارتادى.
