قارىز بەرۋدىڭ پايداسى

 استانا. قازاقپارات - قازاقتىڭ «قولى اشىقتىڭ - جولى اشىق»، «الاعان قولىم -  بەرەگەن»، «بەرۋشى قول الۋشى قولدىڭ ۇستىندە» (ياعني ودان ارتىق) دەيتىن سوزدەرى - باسىنا ءىس تۇسكەن ادامعا جاردەم بەرۋدىڭ قانشالىقتى ساۋاپتى ءىس ەكەنىن كورسەتەدى.

اللا تاعالا قاسيەتتى قۇراندا: «كوركەم تۇردە قارىز بەرىڭدەر»، - دەگەن. («ءمۋززاميل» سۇرەسى، 20-ايات) دەمەك، قيىن- قىستاۋ كەزدە سۇرىنگەنگە - سۇيەۋ، جىعىلعانعا - دەمەۋ بولا بىلگەندى اللا تاعالانىڭ ءوزى مۇقتاجدىعىنان قۇتقارادى. قارىز بەرۋدىڭ مىناداي پايدالارى بار:

1) قارىز بەرۋشى ادام بىرەۋدىڭ تىلەنشىلىگىنىڭ الدىن الىپ، ونىڭ ار- نامىسىن ساقتاۋعا جاردەمدەسەدى؛

2) وزگەلەردى قيىندىق پەن اۋىرتپاشىلىقتان، ۋايىم- قايعىدان قۇتقارادى؛

3) ءوزىنىڭ جانىنداعىلارعا جاقسىلىق جاساۋ ارقىلى ولارعا قۋانىش سىيلايدى؛

4) ءىس- ارەكەتىمەن وزگەلەرگە ۇلگى بولادى، ولاردى جاقسىلىق جاساۋعا قۇشتارلاندىرادى؛

5) وزگەگە جاردەمدەسۋ ارقىلى وزىنە دە يگىلىك شاقىرادى. سەبەبى، اللا ەلشىسى (وعان اللانىڭ يگىلىگى مەن سالەمى بولسىن): «السىزدەردى ىزدەڭدەر، ويتكەنى سەندەرگە كومەك پەن ريزىق سول ارالارىڭداعى السىزدەرىڭنىڭ ارقاسىندا بەرىلەدى»، - دەگەن. (ءابۋ ءداۋد)

6) ەڭ باستىسى، ساۋاپتى ءىس جاساۋى ارقىلى اللانىڭ نازارىنا ىلىگىپ، ريزاشىلىعىنا بولەنەدى!

 دەرەككوزى: "پ ت" توپتاماسىنان