نەيمار جاتتىعۋ كەزىندە رونالدۋدىڭ ارەكەتىن قايتالادى
برازيليا قۇراماسىنىڭ ءارى فرانسۋزدىق «پاري سەن- جەرمەن» كلۋبىنىڭ شابۋىلشىسى نەيمار پورتۋگاليالىق سۇرمەرگەن كريشتيانۋ رونالدۋدى سالدى، دەپ حابارلايدى Vesti.kz.
ۇلتتىق قۇرامانىڭ جاتتىعۋى كەزىندە نەيمار ايىپ دوبىن ورىنداۋ كەزىندە قاقپانىڭ ءدال بۇرىشىنان كىرگىزدى. وسىدان كەيىن برازيليالىق فۋتبولشى قۋانىشىن رونالدۋدىڭ ستيلىندە تويلادى - سەكىرگەن ساتتە باسىن سولعا قاراتىپ، تۇسكەن ساتتە اياعىن الشاق ۇستاپ، قولدارىن ەكى جانىنا جايدى.
نەيمار قازىرگى ۋاقىتتا برازيليا قۇراماسىمەن بىرگە ا ق ش جانە سالۆادور فۋتبولشىلارىمەن وتەتىن جولداستىق كەزدەسۋگە دايىندالىپ جاتىر. رونالدۋ بولسا ۇلتتىق قۇرامادان شاقىرتۋ العان جوق. اياق دوبىنىڭ شەبەرى «يۋۆەنتۋس» ساپىندا جاتتىعىپ جاتىر. ول بيىل جازدا مادريدتىك «رەالدان» يتاليالىق كلۋبقا اۋىسقان ەدى. تۋريندىك كلۋب ساپىندا ءۇش ويىن وتكىزىپ ۇلگەرگەن رونالدۋ، ءالى بىردە- ءبىر گول سالعان جوق.
www.24.kz
