18:28, 06 - قىركۇيەك 2018 | GMT +5
جول اپاتىنان زارداپ شەككەن ايەل تەمىرتاۋدان استاناعا تىكۇشاقپەن جەتكىزىلدى
استانا. قازاقپارات - ق ر سانيتاريالىق اۆياتسياسى تەمىرتاۋداعى جول اپاتىنان زارداپ شەككەن ايەلدى استاناداعى اۋرۋحاناعا جەتكىزدى، دەپ حابارلايدى قازاقپارات ءتىلشىسى.
«1976 -جىلعى ناۋقاس جول اپاتىندا كوپتەگەن جاراقاتتار الىپ، تەمىرتاۋ قالاسىنىڭ ورتالىق اۋرۋحاناسىنا جەتكىزىلدى. 2018 -جىلى 5 - قىركۇيەك كۇنى 15:00-دە ناۋقاس ارنايى مەديتسينالىق كومەك كورسەتۋ ءۇشىن استاناداعى №2 قالالىق اۋرۋحاناعا تىكۇشاقپەن جەتكىزىلدى. ۇشۋ كەزىندە ناۋقاسقا سانيتاريالىق اۆياتسيانىڭ موبيلدى بريگاداسى قاراپ وتىردى»، - دەپ مالىمدەدى رەسپۋبليكالىق سانيتاريالىق اۆياتسيا ورتالىعىنىڭ باسپا ءسوز قىزمەتى.
Facebook پايدالانۋشىسى ديانا سنەگينانىڭ ايتۋىنشا، ناۋقاسقا بىرنەشە مينۋتتاردىڭ ىشىندە شۇعىل مەديتسينالىق كومەك كورسەتىلگەن.
«تىكۇشاق - مەديتسينا قىزمەتتەرىن كورسەتۋدىڭ تاپتىرماس قۇرالى. جۋىق ارادا بۇل قالىپتى جاعدايعا اينالادى دەپ ۇمىتتەنەمىن»، - دەپ جازدى ول.
