قانات يسلام نەگىزگى بوكس ۇيىمدارىنىڭ رەيتينگىنەن شىعىپ قالدى

استانا. قازاقپارات - حالىقارالىق بوكس فەدەراتسياسى (IBF) بارلىق سالماق دارەجەسىندەگى بوكسشىلاردىڭ كەزەكتى اي سايىنعى رەيتينگىن جاريالادى، دەپ حابارلايدى Sports.kz.

وتكەن ايدا رەيتينگتە ۇسىنىلعان جالعىز قازاقستاندىق بوكسشى ءبىرىنشى ورتا سالماقتاعى WBO- NABO جانە WBA Intercontinental بەلبەۋلەرىنىڭ يەگەرى قانات يسلام (25-0, 20 ك و) بولدى. جاڭارتىلعان رەيتينگكە «قازاق» كىرمەي قالعان.

بۇدان بۇرىن ءبىزدىڭ وتانداسىمىز WBC، WBO جانە wbA «ۇزدىگىنەن» شىعىپ قالعان ەدى. وسىلايشا، قانات ەنگەن جالعىز ۇيىم IBO بولىپ تۇر. الايدا، ول كاسىبي بوكستىڭ نەگىزگى بەكىتىلگەن ورگاندارىنىڭ قاتارىنا كىرمەيدى.

 قانات يسلام سوڭعى رەت رينگكە ءبىر جىل بۇرىن - 2017 -جىلدىڭ 9 -قىركۇيەگىندە شىقتى. ول استاناداعى باستى بوكس كەشىندە كانادالىق برەندون كۋكتى (20-1, 13 ك و) تەحنيكالىق نوكاۋتپەن جەڭگەن ەدى.