ميعا ارنالعان ەرەكشە دارۋمەندەر

 استانا. قازاقپارات - ميعا قانداي دارۋمەندەر پايدالى؟ ءسوزسىز، دارۋمەن اتاۋلىنىڭ بارلىعى وڭ اسەرىن بەرەدى.

ءبىراق، كەيبىرى - ەرەكشە پايدالى. ناقتى ءبىر دارۋمەندەردىڭ جەتىسپەۋشىلىگى ءبىزدىڭ وي-قابىلەتىمىزگە تەرىس اسەر ەتەدى. ول قانداي دارۋمەندەر؟

زاماناۋي مەديتسينا بەكىتەدى: اعزادا ءاردايىم كەيبىر دارۋمەندەر جانە ميكروەلەمەنتتەر قورى بولسا، ەگدە جاس كەزىندە دە وي-قابىلەتى كۇشتى، اقىل-ەسى جاقسى بولادى. بۇل، سونشالىقتى تاڭعالارلىق ەمەس.

بىرىنشىدەن، ميدىڭ قالىپتى جۇمىس جاساۋى ءۇشىن وتتەگى قاجەت، بۇل دەگەنىمىز، وتتەگىن تاسىمالداۋدا جانە تكاندىك تىنىس الۋعا بەلسەندى قاتىساتىن دارۋمەندەر دە قاجەت. بۇل ءبىرىنشى كەزەكتە سيانكوبالامين (В12) جانە فولي قىشقىلى (В9).

ەكىنشىدەن، جۇيكە تكانىنىڭ قۇرىلىمىن زاقىمدايتىن راديكالداردىڭ بولۋىنا وتە سەزىمتال. ولاردان قورعالۋ ءۇشىن، ميعا انتيوكسيدانتتار قاجەت.

دارمەندەردىڭ اراسىنداعى كۇشتى انتيوكسيدانت - ە. پيريدوكسين (В2) جانە اسكوربين قىشقىلى (س دارۋمەنى) انتيوكسيدانت قاسيەتىنە يە.

سونىمەن قاتار، مي جاسۋشالارىنىڭ قالىپتى جۇمىس ىستەۋى ءۇشىن، نيكوتين قىشقىلى (РР دارۋمەنى) - نەيرومەدياتورلاردى، سونىمەن بىرگە، جۇيكە تراكتىنىڭ جۇمىسىن قامتاماسىز ەتەتىن ا دارۋمەنىن جەتكىزۋشى كەرەك.

ميدىڭ گيپوۆيتامينوزى

بۇل دارمەندەردىڭ جەتىسپەۋشىلىگى ميعا قانشالىقتى قاۋىپتى؟ ەستىڭ جانە ەموتسيانىڭ كۇيىنە ءبىرىنشى كەزەكتە В6 جانە В12 گيپوۆيتامينوز اسەر ەتەدى. بۇل دارۋمەندەر اعزادا جينالمايدى، سوندىقتان ولاردىڭ قورىن كۇندەلىكتى تولتىرۋ قاجەت. В12 كىشكەنە جەتكىلىكسىزدىگىنەن - ميعا وتتەگى جەتپەيدى. وتتەگى جەتىسپەگەن جۇيكە جاسۋشالارى ەستە ساقتاي المايدى. پيريدوكسيننىڭ كەلىپ تۇرۋى ازايسا، - ميعا بوس راديكالدار شابۋىل جاسايدى. ول ميدى وتە «شارشاتادى».

باۋىر، بۇزاۋ جانە تاۋىق ەتى وسى دارۋمەندەرگە باي. ولار كوكونىستەردە دە بولادى: شپيناتتا، جاسىل بۇرشاقتا.

ميعا ارنالعان سۋپەر دارۋمەن - ە دارۋمەنى. قۋاتتى انتيوكسيدانت. ونىڭ تاپشىلىعى كوورديناتسياعا، ەس، ۇيرەنۋ قابىلەتىنە اسەرىن تيگىزەدى. بۇل دارۋمەن مايدا ەرىگىش، سوندىقتان ول مايلارمەن بىرگە جاقسى سىڭىرىلەدى. ە دارۋمەنى وسىمدىك مايى، كوك- ءشوپ، جۇمىرتقا جانە باۋىردا (اسىرەسە بالىق باۋىرىندا) بولادى.

ا دارۋمەنىنىڭ تاپشىلىعى، ءبىرىنشى كەزەكتە جۇيكە سەزگىشتىگىنە اسەرىن تيگىزەدى. كورۋ قابىلەتى ناشارلايدى، قوزدىرعىشتارعا رەاكسياسى ازايادى. بۇل دارۋمەندى ۇلكەن مولشەردە باۋىردا، سونىمەن قاتار قىزىل ءتۇستى كوكونىستەر مەن جەمىستەردەن تابۋعا بولادى.

 ميدى نەمەن قورەكتەندىرۋ كەرەك

بايقاپ وتىرعانىڭىزداي، مي ءۇشىن بارلىق قاجەتتى دارۋمەندەر كوزى - جانۋارلار نەمەسە بالىقتار باۋىرى. ەكىنشى كەزەكتە پايدالى ءونىم جۇمىرتقا بولىپ تابىلادى. ءۇشىنشى ورىندا - كوكشوپ (اقجەلكەن، اسكوك، قىمىزدىق، ساۋمالدىق، بالدىركوك).

كوكونىستەردىڭ ىشىنەن نازارىمىزدى قىرىققاباتقا، سابىزگە، جاسىل بۇرشاق اۋدارا الامىز. «بونديۋەل» كومپانياسىنىڭ «ماسەدۋان» كوكونىس سالاتىنداعى كونسەرۆىلەنگەن جاسىل بۇرشاق ميىڭىزدى تولىق قورەكتەندىرەدى.

قاراجيدەك مي جۇمىسىن جاقسارتادى. ءدامدى جانە دارۋمەندەرگە باي جيدەكتەر ميعا دەمالىپ قانا قويماي، ۋىتتاردان قورعانۋ مۇمكىندىگىن بەرەدى، سونىمەن قاتار ونى قاراپايىم قانتپەن «قورەكتەندىرەدى»: جۇيكە تكانى ءۇشىن نەگىزگى قۋات كوزى بولاتىن گليۋكوزا جانە فرۋكتوزا.

اقىل- ويىمىزدىڭ كۇشى ميمىزدىڭ كۇيىمەن تىعىز بايلانىستى. ميىڭىزدى دۇرىس قورەكتەندىرىڭىز، سوندا ول سىزگە ۇزاق جىلدار بويى قىزمەت ەتەدى.

دەرەككوزى: "پ ت" توپتاماسىنان