ءسابيدىڭ جاۋىرىنى جابىسسا قايتپەك كەرەك؟

 استانا. قازاقپارات - ەگەر بالانىڭ جاۋىرىنى جابىسسا، بالا شىڭعىرىپ جىلاپ، ۇيىقتاي المايدى. مۇندايدا قولى ەپتى اجەلەر ەم جاساپ، بالانىڭ جابىسقان جاۋىرىنىن اجىراتادى.

نارەستەنىڭ (قىز، ۇل) ومىراۋىنا جينالعان سارى سۋدى سىعىپ شىعارادى. تاجىريبەلى اجەلەردىڭ ايتۋىنشا، وسى سارى سۋ سىعىلماي دەنەسىنە تاراپ كەتسە، بالا ەرەسەك بولعاندا بويىنان قولاڭسا ءيىس شىعادى.

سوندىقتان بالانى شومىلدىرعاندا مىندەتتى تۇردە وسى ادەتتى قايتالاپ وتىرادى. بۇل كەزدە بالا قاتتى جىلايدى، كەيدە بالانىڭ بۇلاي جىلاۋى دا بالانىڭ تىنىس مۇشەلەرىنە جانە ميىنىڭ دەمالۋىنا جاقسى اسەر ەتەدى.

بالا ەسەيە كەلە ونى ۇزاق ۋاقىت كۇلدىرىپ ويناتقاننىڭ دا ءدال وسىنداي پايداسى بار ەكەنىن بايىرعى ورتا ەسكەرىپ وتىرعان.