سەمەي اۋەجايى جوندەۋ جۇمىستارىنان سوڭ قايتا ىسكە قوسىلدى
ايتا كەتەيىك، اۋەجايدىڭ كۇردەلى جوندەۋ جۇمىستارىنا «نۇرلى جول» باعدارلاماسى اياسىندا بيۋدجەتتەن 10 ميلليارد تەڭگەدەن استام قارجى بولىنگەن بولاتىن.
ساراپشىلاردىڭ سوزىنشە، ەندى اۋەجاي حالىقارالىق ازاماتتىق اۆياتسيا تالاپتارىنا تولىقتاي ساي. ەنى 45 مەتر، ۇزىندىعى 2,5 كيلومەتر ۇشىپ-قونۋ الاڭىنا تولىقتاي مونوليتتى بەتون قۇيىلدى.
ايتا كەتەتىن ماسەلە، بۇل اۋەجاي 30 جىلدان بەرى جوندەۋ كورمەگەن ەدى.
«وسى كەزدە جوندەۋ جۇمىستارى تولىعىمەن اياقتالدى دەۋگە بولادى. قازىرگى تاڭدا اۋەجايدى كوگالداندىرۋ، اباتتاندىرۋ جۇمىستارى ءجۇرىپ جاتىر. ۇشىپ- قونۋ الاڭى دايىن، 2- قىركۇيەكتە سەمەي اۋەجايىنا جوندەۋدەن كەيىن العاشقى ۇشاقتار قونا باستايدى. الدىمەن الماتى مەن استانا قالالارىنان جانە كورشىلەس شەت مەملەكەتتەردەن ۇشاقتار قاتىنايتىن بولسا، جاقىن بولاشاقتا ءبىز تۇركيا باتىس ەۋروپا ەلدەرى سياقتى حالىقارالىق دەڭگەيدەگى رەيستەردى دە قابىلداي الامىز دەگەن ويدامىن»، - دەدى حالىقارالىق اۋەجايدىڭ جەرۇستى قىزمەتىنىڭ باسشىسى مارات جاقسىلىقوۆ.
