كوكشەتاۋدا قازاق ءتىلىنىڭ مارتەبەسىن كوتەرۋ ماسەلەسى تالقىلاندى
«دوستار» مادەنيەت سارايىندا ۇيىمداستىرىلعان شاراعا اقمولا وبلىسى اكىمىنىڭ ورىنباسارى اينا ءمىسىرالىموۆا، بەلگىلى ساياساتكەر، قازاقستاننىڭ ەڭبەك سىڭىرگەن قايراتكەرى دوس كوشىم، اتالعان ورتالىقتىڭ تەرمينولوگيا جانە ونوماستيكا ءبولىمىنىڭ اعا عىلىمي قىزمەتكەرى، ءتىل جاناشىرى جاپسارباي قۋانىشەۆ قاتىسىپ، مەملەكەتتىك ءتىلدىڭ مارتەبەسىن كوتەرۋ، لاتىن قارپىنە كوشۋ ماسەلەلەرى توڭىرەگىندە ءوز ويلارىمەن ءبولىستى. سەميناردا مەملەكەتتىك ءتىلدى قوعامنىڭ تالابىنا ساي قولدانۋ اياسىن كەڭەيتىپ، مادەني قازىنامىزعا اينالۋىنا تىرىسۋىمىز قاجەتتىگى كەڭىنەن ايتىلدى.
شاراعا قاتىسۋشى زيالى قاۋىم وكىلدەرى، مەملەكەتتىك قىزمەتشىلەر، جاستار قاۋىمى دا جاس ۇرپاقتىڭ بويىندا ۇلتتىق رۋحتى قالىپتاستىرۋ ءۇشىن بالالارعا الدىمەن ءوز انا ءتىلىمىزدى ۇيرەتىپ، بالاباقشادا، مەكتەپتە ءۇش تىلدە ءبىلىم بەرۋگە ماراتوري جاريالاۋ قاجەتتىگى تۋرالى ءوز ويلارىمەن ءبولىسىپ، سەمينار سوڭى سۇراق- جاۋاپ فورماتىنا ۇلاستى.
ايتا كەتەيىك، قازاقستان حالقى اسسامبلەياسى عىلىمي-ساراپتاما كەڭەسىنىڭ مۇشەسى، ساياساتكەر دوس كوشىم، سونداي-اق، قازاقستان رەسپۋبليكسى مادەنيەت جانە سپورت مينيسترلىگى ءتىل ساياساتى كوميتەتىنىڭ وكىلدەرى، قوعام بەلسەندىلەرى باستاعان جۇمىس توبى بۇگىن جانە ەرتەڭ وبلىسىمىزدىڭ ەرەيمەنتاۋ، قورعالجىن اۋداندارىندا دا وسىنداي سەمينارلار وتكىزىپ، قازاق ءتىلىنىڭ مەملەكەتتىك ءتىل رەتىندەگى مارتەبەسىن كوتەرۋ، مەملەكەتتىك ءتىلدىڭ قولدانىلۋى، قازاق ءتىلىن لاتىن قارپىنە كوشىرۋ جانە ونوماستيكا ماسەلەلەرىنە قاتىستى ناسيحات جۇمىستارىن جۇرگىزەتىن بولادى.
