نوبەل پرەمياسىنىڭ جاڭا بالاماسى پايدا بولدى
«ادامي قۇندىلىقتاردىڭ ماڭىزى قالماعان زاماندا ادەبيەتكە باسا نازار اۋدارعان ءجون. ۇنسىزدىككە قارسى ەڭ كۇشتى قارۋ وسى ادەبيەت بولماق »، - دەيدى پرەميانى ۇيىمداستىرۋشىلار. التەرناتيۆتى اكادەميا 4 اۆتوردان قۇرالعان شورت- ليست ۇسىندى. وندا جاپونيالىق حارۋكي مۋراكامي، بريتانيالىق نيل گەيمان، فرانسيالىق ماريز كوندە جانە كانادالىق كيم تحۋي ەسىمدەرى جازىلعان.
ءادىلقازى القاسىنىڭ مۇشەسى ەنن پولسسون نومينانتتاردى جاريالاعان كەزدە وسى اۆتورلاردىڭ وزىندىك ەرەكشەلىكتەرىن اتاپ ءوتتى. پرەمياعا پرەتەندەنت رەتىندە 47 اۆتوردان ءوتىنىش كەلگەن. جەڭىمپازدى قازان ايىندا، ياعني، ادەتتە نوبەل پرەمياسى جەڭىمپازىن انىقتايتىن ۋاقىتتا حابارلايدى. رەسمي ماراپاتتاۋ ءراسىمى 11 - جەلتوقسان كۇنى وتەدى. شارادان كەيىن التەرناتيۆتى اكادەميا مۇشەلەرىن تاراتىپ جىبەرەدى.
Massaget.kz
