قازاقستاندا ارالاس جەكپە-جەكتەن اۋەسقوي سپورتشىلار باسەكەسى وتەدى
بۇل جوبادا جاس اۋەسقوي سپورتشىلار ارالاس جەكپە-جەكتەن «قازاقستاننىڭ ەڭ مىقتى سپورتشىسى» اتاعى ءۇشىن سىنعا تۇسەدى، دەپ حابارلايدى قازاقپارات ءتىلشىسى.
ۇستىمىزدەگى جىلدىڭ ماۋسىم ايىندا 18 بەن 29 جاس ارالىعىنداعى ارالاس جەكپە-جەكپەن اينالىسۋشى اۋەسقويلارعا ارنالعان رەسپۋبليكالىق دەڭگەيدە كاستينگ ءوتتى. كاستينگ ناتيجەسىندە ەلىمىز بويىنشا 100 ۇمىتكەر ىرىكتەپ الىندى، ودان سوڭ ەكىنشى كەزەڭ سىناعىندا مىقتى دەگەن 32 قاتىسۋشى تاڭدالدى.
«Qazagstan FIGHTER» جوباسى تەك قانا اۋەسقوي سپورتشىلارعا ارنالعان. ءبىز وسى ارقىلى كاسىبي سپورتتا جەتىستىككە جەتكىسى كەلەتىن ءاربىر قازاقستاندىققا مۇمكىندىك بەرۋدەمىز. قاتىسۋ مۇمكىندىگى مەن قويىلاتىن تالاپ بارلىعىنا بىردەي. تاعى ءبىر ايتا كەتەتىن جايت، بۇل تەك قانا تەليەۆيزيالىق-سپورتتىق شوۋ-باعدارلاما عانا ەمەس، جوبادا ۇزدىك دەپ تانىلعان سپورتشىلارعا بولاشاقتا الەمدىك جارىستاردا قازاقستاننىڭ نامىسىن قورعاۋعا مۇمكىندىك بەرىلەدى»، - دەدى «Qazsport» تەلەارناسىنىڭ ديرەكتورى پاۆەل تسىبۋلين و ك ق- دە وتكەن باسپا ءسوز ءماسليحاتىندا.
«Qazsport» تەلەارناسى باسشىسىنىڭ ايتۋىنشا، اتالعان جوبا - ەڭ الدىمەن ەلىمىزدىڭ تۇكپىر-تۇكپىرىندەگى جەكپە-جەك كۇرەسىمەن اينالىسقىسى كەلەتىن جاس جەتكىنشەكتەر ءۇشىن تاپتىرماس مۇمكىندىك.
«Qazagstan FIGHTER» جوباسى 20- قىركۇيەكتە Qazsport جانە 22- قىركۇيەكتەن باستاپ «Qazagstan ارناسىنان كورسەتىلەدى. فينال وسى جىلدىڭ جەلتوقسان ايىنا جوسپارلانعان.
بۇعان دەيىن ايتقانىمىزداي، Qazagstan جانە Qazsport تەلەارنالارى UFC جەكپە-جەكتەرىن كورسەتۋ قۇقىعىنا يە بولدى.
