اۋرۋدى باساتىن دارىلەردىڭ ولىمگە الىپ كەلەتىن قاۋىپتىلىگى انىقتالدى
بۇل تۋرالى British Medical Journal مەديتسينالىق جۋرنالى حابارلايدى.
عالىمداردىڭ زەرتتەۋىنە 46-49 جاس ارالىعىنداعى 6,3 ميلليون ادام قاتىسقان. پاسيەنتتەر جۇرەك اۋرۋلارى پايدا بولۋ قاتەرىنە بايلانىستى تومەن، ورتا جانە جوعارى 3 توپقا بولىنگەن.
زەرتتەۋ بارىسىندا ماماندار ديكلوفەناكتى قابىلداۋ مەن جۇرەك-قان تامىرالارىنىڭ ءتۇرلى اۋرۋى، كوبىنە جۇرەك سوعۋىنىڭ ىرعاقسىزدىعى، يشەميالىق ينسۋلت، جۇرەك جەتكىلىكسىزدىگى مەن جۇرەك ۇستاماسى ءتارىزدى اۋرۋلار اراسىنداعى بايلانىستى انىقتادى. مۇنداي قيىندىقتار ءدارىنى 30 كۇن قابىلداعاننان كەيىن بايقالا باستاعان. ال مۇنداي تەرىس اسەر ءدارىنىڭ از دوزاسىن قابىلداعاندار اراسىندا كەزدەسكەن.
سونىمەن قاتار عالىمدار ديكلوفەناك نەمەسە باسقا دا اۋرۋدى باساتىن دارىلەردى قابىلداعان پاتسيەنتتەردە جۇرەك اۋرۋلارىنىڭ پايدا بولۋ جيىلىگىن سالىستىردى. ناتيجەسىندە ديكلوفەناكتى قابىلداعان قاتىسۋشىلار يبۋپروفەن نەمەسە ناپروكسەن قابىلداعاندارمەن سالىستىرعاندا، جۇرەك ۇستاماسى ورتاشا ەسەپپەن ءبىر رەت ارتىق بايقالىپتى.
سونىمەن قاتار اۋرۋدى باسۋ ءۇشىن ديكلوفەناك قولدانعاندار پاارتسەتامول قابىلداعان پاتسيەنتتەرمەن سالىستىرعاندا، جۇرەك اۋرۋلارىنان 3 ەسە ارتىق زارداپ شەككەن.
ديكلوفەناك - مەديسينالىق ماقساتتا قولدانۋ ءۇشىن ومىرلىك ماڭىزدى ءارى قاجەتتى دارىلىك زاتتار قاتارىنا كىرەتىن انالگەتيك.
Stan.kz
