دۇكەندە اياق كيىمدى ولشەپ كورگەن كىشكەنتاي قىز قاۋىپتى دەرتكە شالدىققان

 استانا قازاقپارات - ۇلى بريتانيانىڭ ابەرفان قالاسىندا دۇكەندە اياق كيىمدى ولشەپ كورگەن قىزدىڭ قانىنا ينفەكسيا ءتۇسىپ، اۋرۋحانادان ءبىر-اق شىققان.

بۇل تۋرالى The Sun باسىلىمىنا سىلتەمە جاساپ Stan.kz حابارلايدى.

كىشكەنتاي سيەننا دۇكەنگە بارعاننان كەيىنگى كۇنى اياعىنىڭ اۋىرعانىن سەزگەن. ناتيجەسىندە اناسى ونى اۋرۋحاناعا الىپ بارۋعا ءماجبۇر بولىپتى. اۋرۋحانادا دارىگەرلەر قىزدىڭ اياعىندا ءىرىڭ بارىن بايقاعان. الايدا ۇيىنە جىبەرىپتى.

ەرتەسى كۇنى قىزدىڭ قىزۋى كوتەرىلىپ، اناسى ونى قايتادان اۋرۋحاناعا الىپ بارادى. سول كەزدە دارىگەرلەردىڭ قويعان دياگنوزى اناسىن ەستەن تاندىرعان. قىزدىڭ قانىنا ينفەكسيا تۇسكەن بولىپ شىقتى. سيەننا دۇكەندە اياق كيىمدى ولشەپ كورگەن كەزدە، اياعىنداعى جاراعا ينفەكسيا تۇسكەن بولۋى مۇمكىن دەپ بولجانۋدا.

«اياق كيىم ولشەپ كورگەنى ءۇشىن وسىنداي دەرتكە شالدىعادى دەپ كىم ويلاعان؟» - دەيدى سيەننانىڭ اناسى.

ابىروي بولعاندا، قىزعا وتا جاساۋ قاجەتتىلىگى تۋىنداماعان. دارىگەرلەر قىزدىڭ دەنەسىندەگى ءىرىڭ پايدا بولعان اۋماقتى ەمدەگەن. ناتيجەسىندە 5 كۇن اۋرۋحانادا جاتىپ، انتيبيوتيك العان قىز دەرتىنەن ايىقتى.