قازاقستان رەسەيلىك تۋريستەر ءجيى باراتىن ەلدەردىڭ قاتارىنا كىردى

استانا. قازاقپارات - 2018-جىلدىڭ العاشقى قورىتىندىسى بويىنشا، قازاقستان رەسەيلىك تۋريستەر ءجيى ساپارلايتىن ەلدەردىڭ العاشقى بەستىگىنە كىردى.

بۇل تۋرالى قازاقپارات تۋرسات اگەنتتىگىنە سىلتەمە جاساپ حابارلايدى.

اگەنتتىك مالىمەتتەرىنە سۇيەنسەك، قازاقستانعا ساياحاتتايتىن رەسەيلىكتەردىڭ سانى %1 ارتىپ، 1 ميلليون 287 مىڭعا جەتكەن.

2018-جىلدىڭ العاشقى التى ايىندا شەتەلگە ساياحاتتايتىن رەسەيلىكتەردىڭ سانى وتكەن جىلمەن سالىستىرعاندا %9 ءوسىپ، 18,6 ميلليوندى قۇراعان.

رەسەيلىك تۋريستەر اراسىندا تانىمال ون ەلدىڭ ءتىزىمى:

1. تۇركيا، 2 ميلليون 281 مىڭ (%40)

2. ابحازيا، 1 ميلليون 751 مىڭ (%5)

3. فينليانديا، 1 ميلليون 559 مىڭ (%1)

4. قازاقستان، 1 ميلليون 287 مىڭ (%1)

5. ۋكراينا، 1 ميلليون 074 مىڭ (%8)

6. قىتاي، 908 مىڭ (%4)

7. ەستونيا، 858 مىڭ (%5)

8. تايلاند، 679 مىڭ (%18)

9. گەرمانيا، 591 مىڭ (%4)

10. ب ا ءا، 545 مىڭ (%52)