يلون ماسك جەتىستىگىنىڭ سىرى نەدە؟
كىتاپ وقۋ سكوتت حاندەلمان، اعاسى: «ول وزىمەن بىرگە ايتەۋىر ءبىر كىتاپتى الىپ جۇرەتىن. ول كوبىنە دامۋ، تابىس تۋرالى كىتاپتار بولاتىن. جاستايىنان يلون تابىستى، اقىلدى ادامدارمەن ارالاساتىن. ول ءبارىن مۇقيات تىڭداپ، كەيىن سۇراق قويۋعا تىرىساتىن».
پيتەر نيكولسون، ماسكتىڭ Scotiabank-تاعى كەزىندەگى باستىعى: «ول يدەيالارعا قۇمار بولدى، كەڭىنەن ويلاناتىن. ماسەلەنىڭ ەڭ تۇبىنە جەتۋگە تالپىنىپ جۇرەتىن».
پيتەر بەررەتت، ماسكتىڭ Rocket Science Games كومپانياسىنداعى باستىعى: «ول وتە ءبىلىمقۇمار ادام. مۇنداي قاسيەت كاسىپكەر ءۇشىن وتە ماڭىزدى».
كريستي نيكولسون، دوسى: «يلونمەن اڭگىمەلەسكەندە ديالوگ ينتەللەكتۋالدىق ديسكۋسسياعا اينالا كەتەتىن ەدى. ءاردايىم دايىن بولۋ كەرەك، سەبەبى ول لەزدە عىلىم مەن فيلوسوفياعا اۋىسىپ كەتەدى. مەنىڭشە، ول مۇنداي تاقىرىپتا اڭگىمەلەسكىسى كەلمەيتىن اداممەن مۇلدە سويلەسپەيتىن سياقتى».
روبەرت زۋبرين، Mars Society نەگىزىن قالاۋشى: «2001 -جىلى يلون عارىش زىمىراندارى تۋرالى ەشتەڭە بىلمەيتىن. ال 2007 -جىلى بۇل سالانى جاڭعاقشا شاعاتىن دەڭگەيگە جەتتى. مۇنداي سالانى مەڭگەرۋ استە وڭاي ەمەس، سەبەبى وتە كۇردەلى كىتاپتاردى كەمىرۋ كەرەك».
تىنىمسىز ەڭبەك سكوتت حاندەلمان: «تاڭعالارلىعى، ول اپتاسىنا ءۇزىلىسسىز 70-90 ساعات بويى جۇمىس ىستەي بەرەدى».
دجەفف حايلمان، يلون ماسكتىڭ العاشقى قىزمەتكەرى: «بىردە مەن ونىڭ ۇيىندە بولدىم. وندا تەك ءبىر ماتراس پەن قىتاي تاماعىنىڭ 30 قورابى بار ەدى. پاتەر وعان تەك قوعام تالابى بويىنشا عانا كەرەك بولعان سياقتى، ويتكەنى ول تۇبەگەيلى جۇمىستا ءومىر سۇرەتىن».
دجيم امبراس، Zip2 كومپانياسىنىڭ ءونىمدى دايىنداۋ بويىنشا ۆيتسە- پرەزيدەنتى: «يلون جۇمىس ۇستەلىندە اپتاسىنا ءۇش رەت قانا ۇيىقتايتىن. ول بۇعان قالاي شىداعانىنا ءالى دە تاڭمىن».
دجەفف حايلمان: «باعدارلاما جاساۋ كەزىندە يلون ءوزىن تاڭەرتەڭ وياتىپ جىبەرۋىن ەسكەرتىپ وتىرادى، كوبىنە شارشاعاندىقتان ۇيىقتاپ كەتەتىن. ول ۇيقىنى جۇمىسىنا دەگەن ماراپات ەمەس، كەدەرگى دەپ قابىلدايتىن».
دجيم امبراس: «بىردە ءبىز ارىپتەستەر بولىپ يلوندى ۆەلوسيپەد تەۋىپ قايتۋعا شاقىردىق. ءبارىمىز تاۋعا شىقتىق. ورگە شىعۋ كەرەك بولدى. ارامىزدا يلونعا قيىن بولدى. ول باسقالارعا قاراعاندا فيزيكالىق تۇرعىدا ءالسىز ەدى. قينالىپ، شارشاپ كەتتى. ءبىراق يلون بەرىلگەن جوق».
جاۋىنگەر ءادىسى دجەرەمي حوللمان، SpaceX- ءتىڭ ەكس- ينجەنەرى: «ول بىزدەن مۇنىڭ قانشا تۇراتىنىن سۇرامايتىن. ول ونىڭ قانشا ۋاقىت الاتىنىن سۇرايتىن. ۋاقىت - اقشا».
دجيم امبراس: «ءالى ەسىمدە، ول ءبىر كۇنى كەشكىسىن كەڭسەدە كوڭىل- كۇيى بولماي ءجۇردى. ساعات كەشكى توعىزدا جۇمىستا ينجەنەرلەر جوق بولعانىنا كوڭىلى تولماعان ەكەن. ساعات كەشكى توعىزدا! ول ادامدارمەن كوپ سوزگە كەلىپ قالاتىن. ەگەر ولاردىڭ ويى يلوننىڭ پىكىرىمەن ۇشتاسپاي جاتسا، ول ءوزىنىڭ دۇرىستىعىن دالەلدەۋگە تىرىسادى».
لارس موراۆي، Chassis Dynamics Engineering ديرەكتورى: «يلون ىسكە اسقان، ماسەلەسى شەشىلگەن جۇمىستارعا كوپ ۋاقىت جۇمسامايدى. وعان جاڭا ماسەلەمەن اينالىسۋ، پروبلەمانى شەشۋ مايداي جاعادى».
جەتىستىك - ماراپات كريستي نيكولسون: «يلون الەمدى جاقسارتقىسى كەلەدى. ول ۇلكەن قيىندىقتارعا قارسى تۇرۋعا ءاردايىم دايىن تۇرادى. بۇل كوپتەگەن ۇلى ونەرتاپقىشتاردا بولاتىن قاسيەت».
سكوتت حاندەلمان: «ونىمەن سويلەسسەڭىز يلوندى اتاق پەن اقشاعا قۇمار دەپ ويلاپ قالۋىڭىز مۇمكىن. ول بار بولعانى ماقساتىنا جەتۋدى عانا كوزدەيدى».
روبەرت زۋبرين: «ول تەرەزا انا ەمەس. يلوندا ەگويزم دە بار. ءبىراق ول شەكسپيردىڭ پەساسىنداعى گەنريح V ەگويزمى. ول دا گەنريح سياقتى اتاقتى قالايدى دەپ ويلايمىن».
ۇلكەن ارماندار سكوتت حاندەلمان: «ول ءاردايىم عارىشقا ساياحاتتاۋدى ارماندايتىن. سوندىقتان بولار ونىڭ ەڭ سۇيىكتى كىتابى - «گالاكتيكاعا ساياحات».
دجيم كانيرەلل: «يلونعا اقشا كەرەك ەمەس، وعان مارس كەرەك. بىردە مەن وعان ROI تۋرالى ويلانۋ كەرەكتىگىن ايتتىم. ول بولسا: «ROI- عا تۇكىرگەنىم بار» دەپ دىق ەتكىزدى».
كريستي نيكولسون: «ول ءۇشىن SpaceX- ءتىڭ ورنى بولەك. كوبى يلون ءۇشىن Tesla-نىڭ ماڭىزى زور دەپ ويلايدى. الايدا ول SpaceX- ءتىڭ دامۋى ءۇشىن كوپ نارسەگە دايىن».
Massaget.kz
