شۆەيتساريا ماقتانىشى - رونا مۇزدىعى كۇرت ەرىپ جاتىر
قار جامىلعىسى جۇرتتىڭ كوز الدىندا ەرىپ جاتىر. وسىنداعى ۇڭگىرگە كەلگەن تۋريستەر ونىڭ قابىرعاسىمەن ەرىگەن قار سۋىنىڭ قالاي اعىپ جاتقانىنىڭ كۋاسى بولۋدا.
لوزاننا ۋنيۆەرسيتەتىنىڭ ساراپشىسى كريستوف لامبەلدىڭ تۇسىندىرۋىنشە، ازىرگە مۇزدىقتا قار بارشىلىق، ونىڭ ءوزى ەرىمەگەن. تەك قار عانا. ءبىراق قار بىتكەنەن سوڭ مۇزعا كەزەك كەلمەك.
رونا مۇزدىعى ەرىمەس ءۇشىن ەرىكتىلەر ونى ارنايى وقشاۋلاعىش شۇبەرەكپەن جابۋدا. بۇل شۆەيتساريانىڭ تابيعي بايلىعىن كۇننىڭ كوز قارىقتىرار ساۋلەسىنە قالقان بولماق.
بۇل مۇزدىقتى قورعاي الا ما. ونى ۋاقىت كورسەتەدى. ال باسقا مۇزدىقتاردىڭ جاعداي مۇشكىل.
كريستوف لامبەلدىڭ سوزىنە قاراعاندا، ەندى 20 جىلدان سوڭ كوپتەگەن شاعىن مۇزدىقتار جوعالادى.
ال رونا مۇزدىعى بولسا، سوڭعى 120 جىل ىشىندە 1400 مەترگە كەمىگەن. ءار ىستىق بولعان كۇنى 10-12 سانتيمەترگە قىسقارىپ جاتىر.
