اتىراۋلىق جاس سامبوشىلار الەم چەمپيوناتىنان جۇلدەلى ورالدى

اتىراۋ. قازاقپارات - اتىراۋدىڭ 3 سپورتشىسى الەمنىڭ ءبىرقاتار مەملەكەتىنەن جينالعان ۇزدىك 250 بالۋان باق سىناعان دوداعا قاتىستى، دەپ حابارلايدى قازاقپارات ءتىلشىسى وڭىرلىك كوممۋنيكاتسيالار قىزمەتىنە سىلتەمە جاساپ.

22-26- تامىز ارالىعىندا رەسەي فەدەراتسياسىنىڭ ورەل قالاسىندا سامبو كۇرەسىنەن 2002-2004-جىلى تۋعان مەكتەپ وقۋشىلارى اراسىندا الەم چەمپيوناتى ءوتتى.

الەمدىك باسەكەگە 30 عا جۋىق مەملەكەتتەن 250 ەڭ ۇزدىك جاس بالۋان قاتىستى. 42 كەلى سالماق دارەجەسىندە قازبەك اڭساعان اقتىق سىنعا دەيىن جەتىپ، كۇمىس جۇلدەگەر اتانسا، 46 كەلى سالماق دارەجەسىندە ادىلەت حيساپوۆ پەن 55 كەلى سالماق دارەجەسىندە مادەنيەت قۇلمانوۆ قولا جۇلدەگە يە بولدى.

ايتا كەتۋ كەرەك، بۇل دودا بالالاردىڭ جوعارى دارەجەدەگى ەڭ العاشقى سايىسى. بۇدان بۇرىن 1№ بالالار مەن جاس وسپىرىمدەر سپورت مەكتەبىنىڭ جاس سپورتشىلارى ەل چەمپيوناتىندا ۇزدىك اتانعان بولاتىن.