قىتايدا روبوتتار وقىتۋشىلاردى الماستىرا باستادى
ءبىلىم سالاسىنداعى «smart» وقىتۋشىنىڭ ەسىمى - كيكو (Keeko) . ول بالالارعا قىزىقتى ەرتەگى مەن اڭىز- اڭگىمەلەر ايتىپ، ءتۇرلى جاستاعى بالالارعا ارنالعان سۇراقتار مەن تاپسىرمالار بەرە الادى. وقۋشى سۇراققا دۇرىس جاۋاپ بەرسە، روبوت ەكرانىندا قىزىل جۇرەكشە جانادى. سونىمەن بىرگە، ول وقۋشىلاردى زەرىكتىرمەي، ءتۇرلى سۇراقتارعا دا جاۋاپ بەرەدى. كيكومەن تانىسقان بالاباقشا باسشىسى: «روبوتپەن جۇمىس ىستەگەن وڭاي. سەبەبى، ول ءوز ەموتسياسىن باقىلاي الادى»، - دەيدى. كيكونىڭ باعاسى 10 مىڭ يۋان (500 مىڭ تەڭگە) . بۇل قىتايداعى ۇستازداردىڭ ورتاشا ايلىعى. روبوتتى جاساۋشىلار بولاشاقتا ونى باسقا ازيا مەملەكەتتەرىنە ساتۋدى جوسپارلاپ وتىر. روبوتوتەحنيكا حالىقارالىق فەدەراتسياسى مالىمەتىنە ساي، قىتاي جاساندى سانانى جاساپ شىعارۋ جانە پايدالانۋ بويىنشا الەمدەگى جەتەكشى مەملەكەت. بۇل ەلدە 340 مىڭ اندرويد ەڭبەك ەتەدى. ولار تاۋارلاردى جەتكىزىپ بەرەدى، كوشەدە قارتتارعا كومەكتەسەدى، اۋرۋلارعا دياگنوز قويادى جانە ت. ب. جۇمىستار اتقارادى.
Massaget.kz
