عالىمدار يۋپيتەردە سۋ بار ەكەنىن انىقتادى

 استانا. قازاقپارات - امەريكالىق عالىمدار توبى يۋپيتەردەگى «ۇلكەن قىزىل داق» اتالاتىن اتموسفەرا داۋىلىندا كوپ مولشەردە مۇز كريستالدارى بار ەكەنىن انىقتادى.

 ساراپشىلار «قىزىل داقتى» زەرتتەگەن «ناسا IRTF » تەلەسكوپى مەن «Keck 2» (گاۆاي) تەلەسكوپى مالىمەتتەرىنە سۇيەنىپ، وسىنداي شەشىمگە كەلىپ وتىر. عالامشارداعى داۋىل ءۇش قاباتتان تۇرادى. ونىڭ جوعارعى قاباتى 5-7 اتموسفەرا قىسىمىنا يە. عالىمداردىڭ پىكىرىنشە، وسى قابات مۇز كريستالدارىنان تۇرادى دەۋگە بارلىق دالەل جەتكىلىكتى. ەگەر بۇل مالىمەتتى 2016 -جىلدان بەرى يۋپيتەردى زەرتتەپ جاتقان «Juno» عالامشارارالىق ستانتسياسى راستايتىن بولسا، ساتۋرن، ۋران جانە نەپتۋننان دا سۋ ىزدەۋ وپەراتسيالارى جالعاسادى.

كۇن جۇيەسىندەگى ەڭ ۇلكەن داۋىل -  «ۇلكەن قىزىل داقتىڭ» ۇزىندىعى -  40, ەنى -  13 شاقىرىم. عالىمدار بۇل داۋىلدى 300 جىلدان بەرى زەرتتەپ كەلەدى. ەستەرىڭىزگە سالا كەتەيىك، وسىعان دەيىن عالىمدار مارستا كەيدە مۇزدىڭ ەرۋىنەن سۋ بولۋى مۇمكىن ەكەنىن، ءبىراق عالامشارداعى تومەن قىسىمعا بايلانىستى ونىڭ كوپ وتپەي بۋلانىپ جوق بولىپ كەتەتىنىن، ەندى مارستا تۇراقتى تۇردە سۋ بار ەكەنى تۋرالى دالەلدەر پايدا بولعانى تۋرالى جانە ايدا دا مۇز تابىلعانىن، بۇدان ايدىڭ بولاشاق تۇرعىندارى كۇن جۇيەسىن ودان ءارى «جاۋلاپ الۋ» ءۇشىن قولدانىلاتىن وتىن شىعارا الاتىنىن جازعان ەدىك.

Massaget.kz