20:05, 03 - قىركۇيەك 2018 | GMT +5
حالىقارالىق عارىش ستانساسىنىڭ ەكيپاجى «سويۋز» كەمەسىندەگى تەسىكتى بەكىتتى
ماسكەۋ. قازاقپارات - حالىقارالىق عارىش ستانساسىنىڭ ەكيپاجى (ح ع س) «سويۋز مس-09» اۋە كەمەسىنىڭ تەسىلگەن جەرىنە جۇرگىزىلگەن جوندەۋ جۇمىستارىن اياقتادى.
بۇل تۋرالى دۇيسەنبى كۇنى ت ا س س زىمىران- عارىش سالاسىنداعى دەرەككوزگە سىلتەمە جاساپ حابارلادى.
«سويۋز م س-09» كەمەسىندەگى جوندەۋ جۇمىستارىنىڭ بارلىعى اياقتالدى. ح ع س ەكيپاجى قازىر ادەتتەگى كەستەمەن جۇمىس ىستەپ جاتىر. ەندى تەك قىسىمدى باقىلاپ وتىرۋ قاجەت»، - دەدى اگەنتتىكتىڭ دەرەككوزى.
27 - تامىزعا قاراعان ءتۇنى ح ع س بورتىنا اۋا كىرىپ، قىسىم تومەندەگەن ەدى. كەيىن بۇل وقيعانىڭ «سويۋز» كەمەسى بورتىندا ەكى ميلليمەتر تەسىك سالدارىنان بولعانى انىقتالدى.
سول كۇنى كەشكىسىن رەسەيلىك عارىشكەرلەر تەسىكتى گەرمەتيكامەن بەكىتىپ، ستانسا بورتىنداعى قىسىمدى قالپىنا كەلتىرگەن. وسىعان بايلانىستى ۇشۋدى باسقارۋ ورتالىعى جۇمىستى 28 - تامىز كۇنى تاڭعا دەيىن توقتاتۋدى ۇيعاردى. كەلەسى كۇنى ونىڭ ءۇستىن تاعى ءبىر قابات گەرمەتيكامەن جاپقان.
فوتو: NASA
