قۋانعانىنان ۇلكەن جىلانداردى ساياباققا جىبەرە سالعان ەر ادام تۇرمەدەن ءبىر- اق شىقتى

  استانا. قازاقپارات - قىتايدىڭ حۋنان پروۆينتسياسىندا ەر ادام قوعامدىق ساياباققا ۋلى ەمەس ۇلكەن ەكى جىلاندى جىبەرگەن. وسىلايشا ول ۇلىنىڭ جوعارى وقۋ ورنىنا تۇسكەنى ءۇشىن العىس بىلدىرگىسى كەلىپتى.

بۇل تۋرالى The Global Times باسىلىمىنا سىلتەمە جاساپ Stan.kz اقپارات اگەنتتىگى حابارلايدى.

ناتيجەسىندە 49 جاستاعى ەر ادام قوعامدىق ءتارتىپتى بۇزعانى ءۇشىن تۇتقىندالدى. ەندىگى ليۋ 5 تاۋلىك قاماۋدا وتىراتىن بولادى.

ليۋدىڭ سوزىنشە، ءارقايسىنىڭ ۇزىندىعى شامامەن 1 مەتر بولاتىن جىلانداردى بازاردان 385 يۋانگە (20 مىڭ تەڭگەدەن اسا) ساتىپ العان. مۇنان كەيىن ول جىلانداردى چاندە قالاسىنداعى بينحۋ ساياباعىنا الىپ كەلىپ، ەركىندىككە جىبەرگەن. سالدارىنان جەرگىلىكتى تۇرعىنداردىڭ كوبى ساياباققا بارۋعا قورقىپ قالعان.

ءوز كەزەگىندە ساياباق قىزمەتكەرلەرى جىلاننىڭ بىرەۋىن ۇستاپ العانىن مالىمدەدى. الايدا ەكىنشىسى ءالى دە ەركىندىكتە ءجۇر. ساياباققا كەلۋشىلەردەن اعاشتار مەن جاسىل جەلەكتەردىڭ جانىندا جۇرمەۋ سۇرالعان.

 ءولتىرىلۋى ءتيىس جانۋارلاردى ەركىندىككە جىبەرۋ -  بيدديزمدەگى داستۇرلەردىڭ ءبىرى. ادەتتە جانۋارلاردى فەرما نەمەسە بازاردان ساتىپ الىپ، دۇعا ايتىپ تۇرىپ ەركىنە جىبەرەدى.