12:40, 03 - قىركۇيەك 2018 | GMT +5
امەريكالىق ديپلومات قوبىزبەن كۇي ورىنداپ بەردى
استانا. قازاقپارات - امەريكالىق ديپلومات، ا ق ش- تىڭ قازاقستانداعى ەلشىلىگىندە ەڭبەك ەتەتىن رەن ەلحاي قازاقتىڭ «اققۋ» كۇيىن قوبىزبەن ورىنداپ بەردى، دەپ حابارلايدى قازاقپارات ءتىلشىسى.
«بۇگىن ءوز ۇلگىسىمەن مۋزىكا مادەني قۇندىلىقتارى ءارتۇرلى ادامداردى بىرىكتىرەتىنىن دالەلدەگەن امەريكالىق ديپلوماتتىڭ (رەن ەلحايدىڭ - اۆت.) تۋعان كۇنى. «اققۋ» كۇيى - ونىڭ ەڭ سۇيىكتى قازاق كۇيلەرىنىڭ ءبىرى»، - دەلىنگەن ا ق ش- تىڭ قازاقستانداعى ەلشىلىگىنىڭ فەيسبۋك پاراقشاسىندا.
ۆيدەودا قازاقستانداعى ا ق ش ەلشىلىگىنىڭ پرەسس-اتتاشەسى رەن ەلحايدىڭ قوبىزبەن كۇي ورىنداپ وتىرعانىن، اۋەزدى كۇيدىڭ ىرعاعىنا قازاق قىزىنىڭ بيلەپ جۇرگەنىن كورۋگە بولادى.
ەسكە سالا كەتسەك، رەن ەلحاي بۇعان دەيىن ەلىمىزدىڭ ايەلدەر قاۋىمىنا قازاقشا ءان سالىپ بەرگەن بولاتىن. ول 8- ناۋرىز مەرەكەسىنە وراي ايقىن تولەپبەرگەننىڭ «التىنىم» ءانىن ورىنداعان ەدى.
اۆتور: ايان بەكەن ۇلى
