تەلەفونعا ۇڭىلگەن اناسى ءبىر جاسار قىزىنىڭ سۋعا باتىپ بارا جاتقانىن بايقاماعان
بۇل تۋرالى Daily Mail باسىلىمىنا سىلتەمە جاساپ Stan.kz حابارلايدى.
اناسى ءبىر جاسار قىزىن تۋعان كۇنىنە وراي باسسەينگە الىپ بارعان. ول تەلەفونعا ءۇڭىلىپ وتىرعان كەزدە، قۇتقارۋ شەڭبەرى اۋىپ كەتىپ، سالدارىنان بالا سۋعا باتىپ كەتكەن.
وسى كەزدە تەلەفون ارقىلى حابارلاما جازىپ وتىرعان ايەل ءدال جانىندا بولىپ جاتقان جايتتى بايقاماعان. ونىڭ بار نازارى تەلەفوندى بولىپتى. ال سول جەردە بولعان باسقا بالا ايەلدىڭ نازارىن اۋدارعىسى كەلگەنىمەن، ول ءمان بەرمەگەن. باسسەين قىزمەتكەرى ءبىراز ۋاقىتقا شىعىپ كەتكەندىكتەن، ول جەردە باسقا ەرەسەك بولمادى.
اناسى قىزىنىڭ باتىپ بارا جاتقانىن تەك 1 جارىم مينۋت وتكەننەن كەيىن بايقاعان. ول قىزىن سۋدان شىعارىپ الىپ، جاساندى تىنىس بەرۋ شاراسىن جاساماق بولعان. مۇنان كەيىن جىلدام كەتىپ قالادى.
20 مينۋتتان كەيىن اناسى ءسابيىن اۋرۋحاناعا الىپ كەلگەن. وسى ۋاقىت ىشىندە قىز تىنىس الماعان. جۇرەگى توقتاپ قالىپتى. دارىگەرلەر قىزعا رەانيماتسيا شارالارىن جاسعانىمەن، ول سول كۇيى ەسىن جيعان جوق.
ول اۋرۋحانادا اۋىر جاعدايدا جاتىر.
ءوز كەزەگىندە باسسەين مەنەدجەرى ءسابيدىڭ مەديتسينالىق شىعىنىنىڭ ءبىر بولىگىن تولەپ بەرۋدى ۇسىندى.
