بۇگىن كەي وڭىرلەردە ۇسىك جۇرەدى

استانا. قازاقپارات - اتموسفەرالىق اعىنداردىڭ وتۋىنە بايلانىستى رەسپۋبليكانىڭ سولتۇستىك، ورتالىق جانە شىعىس ايماقتارىندا كەي جەرلەردە جاڭبىر جاۋىپ، سولتۇستىكتە ونىڭ سوڭى قارعا ۇلاسۋى مۇمكىن.

نايزاعاي جانە ەكپىندى جەل ساقتالادى، كۇندىز بۇرشاق جاۋۋى مۇمكىن، تۇندە جانە تاڭەرتەڭ كەي جەرلەردە تۇمان كۇتىلەدى، وڭتۇستىكتە شاڭدى داۋىل بولادى، دەپ حابارلايدى قازگيدرومەت.

قازاقستاننىڭ باتىس جانە وڭتۇستىك وڭىرلەرىنىڭ ءبىرشاما بولىگىندە كۇن اشىق بولادى.

رەسپۋبليكانىڭ سولتۇستىك جانە سولتۇستىك- باتىسىندا تۇندە كەي جەرلەردە ۇسىك كۇتىلەدى.

قاراعاندى، شىعىس قازاقستان، سولتۇستىك قازاقستان وبلىستارىنىڭ كەي جەرلەرىندە جەل 15-20 م/س، نايزاعاي، تۇندە جانە تاڭەرتەڭ تۇمان تۇسەدى، كۇندىز بۇرشاق جاۋۋى مۇمكىن.

قىزىلوردا وبلىسىندا جەلدىڭ جىلدامدىعى تۇندە كەي جەرلەردە 15-20 م/س، ال ەكپىنى 23-28 م/س كۇشەيىپ، شاڭدى داۋىلعا ۇلاسادى. تۇركىستان وبلىسىنىڭ كەي جەرلەرىندە جەل 15-20 م/س، كۇندىز ەكپىنى 23-28 م/س كۇشەيىپ، شاڭدى داۋىل تۇرادى.

پاۆلودار، قوستاناي وبلىستارىنىڭ كەي جەرلەرىندە نايزاعاي ويناپ، تۇندە جانە تاڭەرتەڭ كەي جەرلەردە تۇمان، كۇندىز جەلدىڭ كۇشى 15-20 م/س كۇتىلەدى.

جامبىل وبلىسىندا كەي جەرلەرىندە جەل 15-20 م/س كۇشەيۋى ساقتالادى.

اقمولا وبلىسىنىڭ كەي جەرلەرىندە تۇندە جانە تاڭەرتەڭ تۇمان بولادى.

قىزىلوردا، تۇركىستان، جامبىل وبلىستارىنىڭ باسىم بولىگىندە، اقتوبە، اتىراۋ، ماڭعىستاۋ، قاراعاندى وبلىستارىنىڭ كەي جەرلەرىندە جوعارى ءورت قاۋپى ساقتالادى. قوستاناي، اقمولا، سولتۇستىك قازاقستان، پاۆلودار وبلىستارىنىڭ كەي جەرلەرىندە 3 گرادۋس ۇسىك ءجۇرۋى ىقتيمال.