قازاقستان- وزبەكستان ءىرى جوبالاردى بىرلەسىپ ىسكە اسىرماق
قازاقستاندىق دەلەگاتسيانى ق ر سىرتقى ىستەر ءمينيسترىنىڭ ورىنباسارى عالىمجان قويشىبايەۆ، وزبەكستان دەلەگاتسياسىن ءو ر سىرتقى ىستەر ءمينيسترىنىڭ ورىنباسارى ديلشود احاتوۆ باسقاردى. كونسۋلتاتسيالار بارىسىندا قازاقستان پرەزيدەنتى نۇرسۇلتان نازاربايەۆ پەن وزبەكستان پرەزيدەنتى شاۆكات ميرزيەيەۆتىڭ 2017 -جىلعى ءوزارا مەملەكەتتىك ساپارلارى بارىسىندا قول جەتكىزىلگەن ۋاعدالاستىقتاردى ىسكە اسىرۋ ماسەلەلەرىنە ەرەكشە نازار اۋدارىلدى. ساياسي، ساۋدا- ەكونوميكالىق، مادەني- گۋمانيتارلىق سالالارداعى ەكىجاقتى جانە كوپجاقتى ىنتىماقتاستىقتىڭ وزەكتى ماسەلەلەرى بويىنشا پىكىر الماسىلدى. وڭىرلىك جانە حالىقارالىق كۇن ءتارتىبىنىڭ ءتۇرلى اسپەكتىلەرى تالقىلاندى. «قازاقستان وزبەكستاندى باۋىرلاس مەملەكەت، جاقسى كورشى، ورتالىق ازياداعى نەگىزگى ساياسي جانە ەكونوميكالىق ارىپتەس رەتىندە قاراستىرادى. مەملەكەت باسشىسى وڭىرلىك ىنتىماقتاستىققا ەرەكشە ءمان بەرەدى، وندا وزبەكستان ەرەكشە ورىن الادى» ، - دەدى ع. قويشىبايەۆ.
2020 -جىلعا دەيىن ءوزارا ساۋدادا 5 ميللياد دوللارعا جەتكىزۋ جونىندەگى ەكى ەلدىڭ پرەزيدەنتتەرى قويعان ماقساتقا جەتۋ ءۇشىن ساۋدا- ەكونوميكالىق ىنتىماقتاستىقتى كەڭەيتۋ، جاڭا ونىمدەر بويىنشا ەكسپورتتى جانە يمپورتتى ارتتىرۋ قاجەتتىلىگى اتاپ ءوتىلدى. وزبەك ديپلوماتى بۇگىنگى تاڭدا قازاقستان- وزبەكستان ىنتىماقتاستىعى بارلىق سالالاردا جوعارى قارقىندى دامىپ كەلە جاتقانىن اتاپ ءوتتى. « ءبىز الەمدىك ارەناداعى قازاقستاننىڭ جەتىستىگىمەن ماقتان تۇتامىز، ءسىزدىڭ قولداۋىڭىز جوعارى باعالانادى جانە ءبىز بارلىق ەكىجاقتى ماسەلەلەر بويىنشا ىقپالداستىعىمىزدى كەڭەيتۋگە دايىنبىز. وزبەكستان قازاقستانمەن قارىم- قاتىناستى دامىتۋعا باسىمدىق بەرەدى» ، - دەدى د. احاتوۆ.
كەلىسسوزدەر بارىسىندا تاراپتار ەكى ەلدىڭ مەملەكەتتىك ورگاندارىنا ەكونوميكانىڭ پەرسپەكتيۆالىق سەكتورلارىندا ءىرى بىرلەسكەن جوبالاردى ىسكە اسىرۋدىڭ مۇمكىندىكتەرىن زەردەلەۋدى جالعاستىرۋدى ۇسىنۋ جونىندە ۋاعدالاستىققا قول جەتكىزدى. وزبەكستاننىڭ قازاقستانداعى اعىمداعى جىلى اياسىندا ءبىرقاتار ءىس- شارالاردىڭ ءساتتى وتكەنى اتاپ ءوتىلدى. 2019 -جىلى الداعى قازاقستاننىڭ وزبەكستانداعى جىلىنا دايىندىق بارىسى تالقىلاندى. سونداي- اق 2018 -جىلعى 15 - ناۋرىزدا استانا قالاسىندا وتكەن ورتالىق ازيا مەملەكەتتەر باسشىلارىنىڭ جۇمىس (كونسۋلتاتيۆتىك) كەزدەسۋىنىڭ قورىتىندىسى بويىنشا قول جەتكىزىلگەن ۋاعدالاستىقتار تۇرعىسىندا ىقپالداستىقتىڭ وڭىرلىك اسپەكتىلەرى تالقىلاندى. قازاقستان دەلەگاتسياسىنىڭ باسشىسى وزبەك تاراپىنا كونسۋلتاتسيالار ۇيىمداستىرۋدىڭ جوعارى دەڭگەيىنە ريزاشىلىعىن ءبىلدىردى جانە وزبەك ارىپتەسىن استاناعا سىرتقى ىستەر مينيسترلىكتەرى اراسىنداعى ەكىجاقتى ديالوگتى جالعاستىرۋ ءۇشىن شاقىردى.
