پاۆلوداردا تۇرعىن ءۇي قابىرعاسىنا اسا ۇلكەن بۇركىتشى سۋرەتى سالىندى

 پاۆلودار. قازاقپارات - پاۆلودارلىق «جاسىل ەل» ستۋدەنتتىك قۇرىلىس جانە جاستار ەڭبەك جاساقتارىنىڭ شتابى وبلىس ورتالىعىنداعى وسىناۋ اۋقىمدى جوبانى العاش رەت ۇسىنىپ وتىرعاندىعىن مويىندادى، دەپ حابارلايدى قازاقپارات ءتىلشىسى.

«جاسىل ەل» اەروگرافيكالىق جاساعى بۇل شىعارماشىلىق جۇمىستى شامامەن ەكى كۇننىڭ ىشىندە بىتىرگەن. ناتيجەسىندە پاۆلودارلىق اەروگرافيكتەر ءتورت قاباتتىق بيىكتىكتە تۇرعىن ءۇيدىڭ قابىرعاسىندا ورنالاسقان اسا ۇلكەن كومپوزيتسيانى ۇسىنىپ وتىر.

 قازاقستان رەسپۋبليكاسىنىڭ كونستيتۋتسياسى كۇنىنە ارنالعان «بۇركىتشى» اەروگرافيكالىق سۋرەتى تاۋەلسىزدىك داڭعىلى بويىنداعى ءنومىرى ەكىنشى تۇرعىن ءۇيدىڭ ءبۇيىر قابىرعاسىنا سالىنعان.

 «بۇل كونستيتۋتسيا كۇنىنە وراي تۋعان قالامىزعا جاسالعان وزىندىك سىيلىق ىسپەتتەس وتە جاۋاپتى جوبا بولدى» ، - دەيدى «جاسىل ەل» پاۆلودارلىق وبلىستىق شتابتىڭ جوبالىق مەنەدجەرى رومان كراسنوشەكوۆ.