قازاقستان تەلەاراناسى گولوۆكيننىڭ جەكپە- جەگىن تىكەلەي ەفيردە كورسەتەدى
«سىزدەرمەن تاعى دا ءبىر جاقسى جاڭالىقپەن بولىسكىمىز كەلىپ وتىر. بىرنەشە اپتا بويى جۇرگىزىلگەن كەلىسسوزدەردىڭ ناتيجەسىندە بۇگىن تۇندە امەريكاندىق ارىپتەستەرىمىزبەن ناقتى كەلىسىمگە كەلىپ، قازاقستاندىقتاردىڭ كوپتەن كۇتىپ وتىرعان گەنادي گولوۆكيننىڭ كەزەكتى جەكپە- جەگىن «Qazaqstan» جانە «Qazsport» تەلەارنالارى ارقىلى تىكەلەي ترانسلياتسيا جاساۋعا قول جەتكىزدىك. بۇل كەلىسسوزدەر ۇزاققا سوزىلدى، دەگەنمەن دە ارىپتەستەرىمىزبەن قالىپتاسقان جاقسى بايلانىستاردىڭ ناتيجەسىندە كەلىسسوزدەر ۋاقىتىلى اياقتالىپ، الداعى ترانسلياتسيانىڭ نەگىزگى شارتتارى مەن تەحنيكالىق پارامەترلەرى ەكى جاقتى قاراستىرىلىپ شەشىمىن تاپتى»، - دەپ جازدى ە. قارين فەيسبۋكتەگى پاراقشاسىندا.
ايتا كەتەيىك، گەننادي گولوۆكين مەن ساۋل الۆارەستىڭ قارىمتا جەكپە- جەگى 15 - قىركۇيەكتە ا ق ش- تىڭ لاس- ۆەگاس قالاسىندا وتەدى. ۋاقىت ايىرماشىلىعىنا بايلانىستى اتالعان بوكس كەشى قازاقستاندا 16 - قىركۇيەكتە تاڭەرتەڭ باستالادى.
اۆتور: ارمان اسقاروۆ
