دياس قادىربايەۆ ا ق ش- تان ەلگە دەپورتاتسيالانادى

 استانا. قازاقپارات - بوستوندا بولعان تەررورلىق اكتىنى تەرگەۋ كەزىندە سوتتى بولعان قازاقستاندىق دياس قادىربايەۆ ا ق ش- تان قازاقستانعا دەپورتاتسيالانادى.

 بۇل تۋرالى «قازاقپارات» ح ا ا The Boston Globe سايتىنا سىلتەمە جاساپ حابارلايدى.

24 جاستاعى قازاقستاندىق امەريكا پوليتسياسىنىڭ تەرگەۋىنە كەدەرگى كەلتىرگەنى ءۇشىن سوتتالعان ەدى. اتاپ ايتقاندا، ول دوسى ازامات تاجاياقوۆپەن بىرگە اعايىندى سارنايەۆتاردىڭ پيروتەحنيكا سالىنعان ارقا قورجىنى مەن نوۋتبۋگىن جويىپ جىبەرگەن بولاتىن.

اتاپ وتىلگەندەي، سارسەنبى، 29 - تامىز كۇنى د. قادىربايەۆ ا ق ش- تىڭ فەدەرالدىق تۇرمەسىنەن بوساتىلدى. بۇل اقپاراتتى وسى ەلدىڭ يمميگراتسيالىق جانە كەدەندىك پوليتسياسىنىڭ رەسمي وكىلى راستادى.

«قادىربايەۆ مىرزا ا ق ش- تان قازاقستانعا دەپورتاتسيانى كۇتىپ، ا ق ش- تىڭ يمميگراتسيالىق جانە كەدەندىك پوليتسياسىنىڭ قاماۋىندا قالادى»، - دەپ ءمالىم ەتتى پوليتسيانىڭ باسپا ءسوز حاتشىسى دجون موحان.

ەسكە سالايىق، د. قاردىربايەۆ 2015 -جىلى امەريكا تۇرمەسىندە 6 جىلعا جازاسىن وتەۋگە سوتتالعان بولاتىن. ول 2013 -جىلى بوستوندا اعايىندى سارنايەۆتار جاساعان لاڭكەستىك اكتىنى تەرگەۋ كەزىندە ايىپتى دەپ تانىلدى.

 قازاقستاننىڭ سىرتقى ىستەر مينيسترلىگى قادىربايەۆتىڭ مەرزىمىنەن بۇرىن بوستاندىققا شىعاتىنىن وسىعان دەيىن حابارلاعان بولاتىن. ول جازاسىن تەحاس شتاتىنداعى «Big Spring» فەدەرالدى تۇرمەسىندە وتەدى.

اۆتور: ميرا تولەندى قىزى