15:52, 29 - تامىز 2018 | GMT +5
اتا- انالاردان ارتىق قۇجاتتار سۇراتقان مەكتەپ ديرەكتورلارى جازاعا تارتىلىپ جاتىر
استانا. قازاقپارات - وقۋشىلاردىڭ اتا- انالارىنان ارتىق قۇجاتتار سۇراتقان مەكتەپ ديرەكتورلارى جازاعا تارتىلىپ جاتىر. بۇل تۋرالى ورتالىق كوممۋنيكاتسيالار قىزمەتىندە ءبىلىم جانە عىلىم ۆيتسە- ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات.
باسپاءسوز ماسليحاتىندا استاناداعى كەيبىر مەكتەپتەر اتا- انالاردان مەكەنجاي انىقتاماسىن سۇراتقانىن جانە وسى تالاپتىڭ قانشالىقتى زاڭدى ەكەندىگى تۋرالى ساۋال قويىلدى.
«وسى اپتانىڭ ىشىندە استانا قالاسى بويىنشا 5 مەكتەپتىڭ ديرەكتورى جاۋاپقا تارتىلدى. سونىڭ ىشىندە قاتاڭ سوگىستەر دە بار. جول بەرىلگەن بۇل قاتەلىكتەرگە قاتىستى ءتيىستى شارالار قابىلدانىپ جاتىر. باسقا وبلىستاردا، ەلدى مەكەندەردە بۇل جۇمىس ارى قاراي جالعاسادى» ، - دەدى ۆيتسە- مينيستر.
ونىڭ سوزىنە قاراعاندا، قىزمەتكە قاتىستى ستاندارتتار بەكىتىلگەن، سوعان سايكەس تەك 4 قۇجاتتى مەكتەپكە تاپسىرۋ كەرەك.
«ودان باسقا قۇجات سۇرالسا، وسى مەكتەپتىڭ باسشىلىعىن ءتيىستى جاۋاپقا تارتاتىن بولامىز» ، - دەدى اسحات ايماعامبەتوۆ.
