اۆتوكولىك ايناسىن سىرىپ كەتكەن قازاقستاندىقتىڭ ارەكەتى جۇرتتى ءسۇيسىندىردى

 استانا.قازاقپارات - ينستاگرام پاراقشاسىندا تاراپ كەتكەن فوتوسۋرەتتە بەلگىسىز قازاقستاندىقتىڭ بىرەۋدىڭ كولىگىنىڭ ايناسىن بايقاۋسىزدا سىرىپ كەتىپ، ول ارەكەتى ءۇشىن كولىك يەسى ءۇشىن كەشىرىم سۇراپ، كولىكتىڭ بەتىنە ءوز تەلەفون نومەرىن قالدىرىپ كەتكەن.

فوتوسۋرەتتە كورسەتىلگەن جازبادا «اسساۋماعالەيكۋم، بۇگىن 08:55 تە مەن بايقاۋسىزدا ءسىزدىڭ كولىگىڭىزدىڭ ايناسىن سىرىپ كەتتىم. كوپ كولىك كەپتەلىسى بولدى. شىن جۇرەكتەن كەشىرىم سۇرايمىن» دەپ سوڭىندا تەلەفون نومەرى كورسەتىلگەن.

قازاقستاندىقتىڭ بۇل ارەكەتىن جەلى قولدانۋشىلارى جاقسى قابىلداپ، كەزەكتى جاسالعان قايىرىمدى ىستەرىمەن جارىسا بولىسۋدە. مىسالى، «مەنىڭ دە ءبىر تانىسىم وسىلاي بىرەۋدىڭ كولىگىن سىرىپ كەتىپ، يەسىن تاپپاعان سوڭ ءوز تەلەفون نومەرىن قالدىرعان ەدى، الايدا كولىك يەسى كەلەسى كۇنى حابارلاسىپ، زاقىم قۇنىن وتىز مىڭ تەڭگەگە باعالادى»، سىندى پىكىر قالدىرۋشىلار سانى كوپ.

سونىمەن قاتار، مۇنداي ازاماتتىڭ بارىنا تاڭ قالعاندارىن جاسىرماي جاتقاندار دا بولدى. 

Stan.kz