التىنعا باستى ۇمىتكەر سانالعان ەلدوس سمەتوۆ جۇلدەسىز قالدى

استانا. قازاقپارات - جاكارتادا ءوتىپ جاتقان ازيا ويىندارىندا ريو وليمپياداسىنىڭ كۇمىس جۇلدەگەرى ەلدوس سمەتوۆ جارىستى جۇلدەسىز اياقتادى، دەپ حابارلايدى قازاقپارات ءتىلشىسى.

ق ر ۇلتتىق وليمپيادالىق كوميتەتىنىڭ باسپا ءسوز قىزمەتىنىڭ حابارلاۋىنشا، بۇگىن دجاكارتاداعى ازيا ويىندارىندا تاتامي شەبەرلەرىنىڭ دوداسى باستالعان بولاتىن.

وكىنىشكە قاراي، التىنعا باستى ۇمىتكەر سانالعان ەلدوس سمەتوۆ ەكىنشى اينالىمدا ۇتىلىپ، جارىستى جۇلدەسىز اياقتادى.

2014-جىلعى ازيا ويىندارىنىڭ جەڭىمپازى، 2016-جىلعى ريو وليمپياداسىنىڭ كۇمىس جۇلدەگەرى ەلدوس سمەتوۆ جاكارتا تاتاميىندە الدىمەن يندونەزيالىق بالۋاندى «يپپون» ادىسىمەن جەڭگەن بولاتىن. ال ەكىنشى اينالىمدا سولتۇستىك كورەيا سپورتشىسىنان ۇتىلدى.

ال ايەلدەر اراسىنان سىنعا ءتۇسىپ جاتقان 48 كەلىدەگى گالبادراح وتتسگونتسەتسەگ شيرەك فينالدا سولتۇستىك كورەيا سپورتشىسىن «ۆاززاري» ادىسىمەن جەڭدى. جارتىلاي فينالدا ءبىزدىڭ دزيۋدوشى جاپونيالىق بالۋانعا قارسى شىعادى.

66 كەلىدەگى ەلدوس جۇماقانوۆ دا تۋرنيردى ءساتتى باستادى. ول العاشقى اينالىمدا فيليپپيندىك سپورتشىنى جەڭدى. شيرەك فينالدا جۇماقانوۆتى موڭعوليالىق سپورتشى كۇتۋدە.

اۆتور: كۇنسۇلتان وتارباي