ۇشقىش قاناتى سىنعان ۇشاقتى جەرگە قوندىردى
اۋە كەمەسى گرەكيانىڭ كريت ارالىنان شىعىپ، جوسپار بويىنشا انگليانىڭ ليدس قالاسىنا قونۋى كەرەك بولاتىن. الايدا، اۋەجايعا جەتكەن كەزدە ۇشقىش لاينەر قاناتىنىڭ جىلدامدىقتى تومەندەتۋگە جاۋاپ بەرەتىن بولىگى ىستەن شىققانىن حابارلاپ، جەرگە قاۋىپسىز قونۋ ءۇشىن باسقا اۋەجايعا ۇشىپ شىعۋعا رۇقسات سۇراعان.
«ءبىز ۇشاقتى مانچەستەر اۋەجايىنا قاراي بۇرۋعا شەشىم قابىلدادىق، سەبەبى وندا قونۋ جولاعى ۇزىنىراق ءارى جەرگە قاۋىپسىز قونۋعا ىڭعايلى»، - دەپ مالىمدەدى وقيعاعى Jet2 وكىلى.
ۇشاق جولاۋشىلارىنىڭ ءبىرى قيىن ساتتە جولاۋشىلاردىڭ ءومىرىن ساقتاپ قالعان اۋە كەمەسى كومانديرىن «قازىرگى زاماننىڭ قاھارمانى» دەپ اتادى.
«ول وتە تاماشا ۇشقىش، ۇشاق جەرگە قونعاننان كەيىن ول كابيناسىنان شىعىپ، ءارقايسىمىزدىڭ جانىمىزعا كەلىپ، جاعدايىمىزدى سۇرادى»، - دەيدى 13 جاسار قىزىمەن بىرگە ۇشاقتا بولعان 42 جاستاعى جەننيفەر گيلروي.
ۇشاق جەرگە ءساتتى قونعانىمەن ونداعى جولاۋشىلاردىڭ كوبىسى قورقىنىشتان ەستەرىنەن تانىپ قالعان. «ماعان ۇشاق ەشقاشان توقتامايتىنداي بولىپ كورىندى. جەرگە قونعاننان كەيىن دە زىرعىپ ءجۇرىپ بارادى، ءجۇرىپ بارادى»، - دەپ ەسكە الادى گيلروي.
دەرەككوزى: سەگودنيا
