فرانسيانىڭ ءمينيسترى تىكەلەي ەفيردە قىزمەتىنەن باس تارتتى
بۇرىنعى تەلەجۇرگىزۋشى، ەكولوگيانى قورعاۋ بويىنشا بەلسەندى نيكوليا يۋلو ءبىرقاتار ەكولوگيالىق ماسەلەلەردىڭ شەشىمىن تابۋ ءۇشىن جاسالعان ارەكەتتەرى ءساتسىز بولعاندىقتان مينيستر قىزمەتىنەن باس تارتاتىندىعىن ايتتى.
ونىڭ ايتۋىنشا، كليماتتىڭ وزگەرۋىنە قارسى كۇرەس شارالارى فرانسيا ۇكىمەتىنىڭ باسىم باعىتتار جونىندەگى ءتىزىمنىڭ سوڭعى ورنىندا بولعانى كوڭىلىن قالدىرعان.
يۋلو ۇكىمەتتەن ناقتى قولداۋ كورمەگەندىكتەن مينيسترلەر كابينەتىندە ءوزىن جالعىز سەزىنەتىنىن جەتكىزدى.
نيكوليا يۋلو دوعارىسقا كەتۋ تۋرالى شەشىمدى كەنەتتەن قابىلداعان، ول جايىندا ءتىپتى ايەلى دە بىلمەگەن.
ونىڭ ايتۋىنشا، وسى شەشىمى جونىندە پرەزيدەنت ەممانۋەل ماكرونعا، پرەمەر ەدۋارد فيليپكە رايىنان قايتارۋعا ۇگىتتەيدى دەپ ەسكەرتپەگەن.
نيكوليا يۋلو - قازىر فرانسيا ۇكىمەتىندەگى ەڭ تانىمال مينيسترلەردىڭ ءبىرى. ونىڭ قىزمەتتەن كەتۋى رەيتينگى ونسىزدا تومەن دەڭگەيدەگى ماكرونعا سوققى بولىپ تيمەك.
دوعارىسقا كەتەتىنى جونىندە شەشىمىن يۋلو ۇكىمەت اڭشىلىق جاساۋعا قاتىستى شەكتەۋلەردى بوساڭسىتۋ جونىندە حابارلاعاننان كەيىن كەلەسى كۇنى جاريا ەتتى.
ەسكە سالا كەتسەك، يۋلو قىزمەتىنەن باس تارتقانىن ءمالىم ەتكەن France Inter راديوستانساسىندا 1970 -جىلدارى جۇمىس ىستەگەن.
فوتو: EPA/ETIENNE LAURENT
