بريتاندىق رەجيسسەردىڭ سەمەي پوليگونى تۋرالى فيلمى كورسەتىلدى

استانا. قازاقپارات - ەلوردادا بۇرىنعى سەمەي يادرولىق پوليگونى جايلى بريتاندىق رەجيسسەر تۇسىرگەن دەرەكتى فيلم كورسەتىلدى، دەپ حابارلايدى قازاقپارات حابار 24 تەلەارناسىنا سىلتەمە جاساپ.

فيلم «جەل سوققان جەردە» دەپ اتالادى. تۋىندى ەلىمىزدە العاش رەت كورسەتىلىپ وتىر. بۇعان دەيىن ول اقش جانە ەۋروپانىڭ بىرنەشە مەملەكەتىندە كورەرمەن نازارىنا ۇسىنىلعان بولاتىن. سول ارقىلى 40 جىلدان استام ۋاقىت جۇرگىزىلگەن سىناقتار مەن ودان زارداپ شەككەن جانداردىڭ ءومىرى باياندالادى. 70 مينۋتتىق ەڭبەكتى شەتەلدىك ساراپشىلار مەن قوعام بەلسەندىلەرى تاماشالادى. ولار ەرتەڭ ەلوردادا يادرولىق قارۋسىزداندىرۋ تاقىرىبىندا وتەتىن حالىقارالىق كونفەرەنسياعا قاتىسادى.

«ەڭ باستى كەيىپ كەيىپكەر كارىپبەك كۇيىكوۆ، تاعى ءبىر كەيىپكەرىمىز بەرىك سىزدىقوۆ. ەكەۋى دە ماڭىزدى. ءبىراق وندا باسقا دا ساراپشىلار پىكىر بىلدىرەدى»، - دەيدى يادرولىق قارۋسىزداندىرۋ جانە جويۋ جونىندەگى حالىقارالىق ۇيىمنىڭ وكىلى مارجان نۇرجان.