عالىمدار كاۋاپ اۋەسقويلارىن ەرتە ءولۋ قاۋپى تۋرالى ەسكەرتتى

  استانا. قازاقپارات - كومىردە دايىندالعان تاعامدى ءجيى تۇتىنۋ جۇرەك اۋرۋىنا بايلانىستى مەرزىمىنەن بۇرىن قايتىس بولۋ قاۋپىن ارتتىرادى.

بۇل تۋرالى وكسفورد ۋنيۆەرسيتەتىنىڭ عالىمدارىنىڭ زەرتتەۋىندە ايتىلدى، دەپ جازادى Stan.kz اقپاراتتىق اگەنتتىگى.

عالىمدار جۇرگىزگەن زەرتتەۋگە 30-79 جاس ارالىعىنداعى 341 مىڭ قىتاي تۇرعىنى قاتىستى. ولارعا كاۋاپتى قانشالىقتى ءجيى جەيتىندەرى جانە ونى دايىنداۋدا قانداي جانارمايدى قولداناتىندىعى جايلى سۇراقتار قويىلدى.

زەرتتەۋشىلەر اتاپ ايتقاندا، كاۋاپتى كومىردە جانە وتىندا دايىنداۋ كەزىندە تاعامنىڭ قانشالىقتى ءجيى كۇيىپ كەتەتىنە قىزىعۋشىلىق تانىتتى.

دەگەنمەن، كاۋاپتى كەم دەگەندە اپتاسىنا ءبىر رەت وتىندا نەمەسە كومىردە دايىنداعانداردىڭ كوپشىلىگى باسقالارعا قاراعاندا ءجيى جۇرەك اۋرۋلارىنان زارداپ شەكتى جانە ولار ءۇشىن ەرتە ءولۋ قاۋپى جوعارى بولدى.

سونىمەن قاتار، عالىمدار كاۋاپتى گاز جانە ەلەكتر پليتالارىندا ازىرلەۋ اۋرۋدىڭ قاۋپىن ەداۋىر تومەندەتەتىنىنە سەنىمدى.

Stan.kz