16:08, 28 - تامىز 2018 | GMT +5
دانيار ەلەۋسىنوۆتىڭ كەلەسى جەكپە- جەگى قاشان جانە قايدا وتەدى
استانا. قازاقپارات - وليمپيادا چەمپيونى دانيار ەلەۋسىنوۆتىڭ مەنەدجەرى زيا الييەۆ بوكسشىنىڭ كەلەسى جەكپە- جەگى قاشان جانە قايدا وتەتىنىن مالىمدەدى، دەپ حابارلايدى قازاقپارات Sports.kz كە سىلتەمە جاساپ.
«دانيار كەلەسى جەكپە- جەگىن 20 - قازان كۇنى بوستوندا وتكىزەدى. قازىر ءبىز پروموۋتەردىڭ وسى كۇندى بەكىتۋىن كۇتىپ وتىرمىز، ءبىراق ونىڭ قارسىلاسى رەي مويلەتت بولمايدى. دانيارعا كىم قارسىلاس بولاتىنى ءالى بەلگىسىز» ، - دەيدى مامان.
دانيار ەلەۋسىنوۆ پەن رەي مويلەتت 2008 -جىلى مەكسيكادا وتكەن جاسوسپىرىمدەر اراسىنداعى الەم چەمپيوناتىندا كەزدەسكەن بولاتىن. سول كەزدە جەڭىس يرلانديالىق بوكسشىنىڭ قورجىنىندا كەتكەن.
ەسكە سالا كەتەيىك، قازاقستاندىق بوكسشى ۇستىمىزدەگى جىلدىڭ ساۋىرىندە كاسىپقوي بوكسقا الماستى، ال مويلەتت بىلتىرعى ناۋرىز ايىنان بەرى كاسىپقوي بوكستا ءجۇر.
