كاسىپقوي بوكس: جانىبەك ءالىمحان ۇلىنىڭ العاشقى جەكپە-جەگى وتەتىن كۇن بەلگىلى بولدى

استانا. قازاقپارات - قازاقستاندىق كاسىپقوي بوكسشى جانىبەك ءالىمحان ۇلىنىڭ كاسىپقوي بوكستاعى العاشقى جەكپە-جەگى قاشان وتەتىنى بەلگىلى بولدى، دەپ حابارلايدى قازاقپارات ءتىلشىسى.

«كوپتەن كۇتكەن جاڭالىق! جانىبەك ءالىمحان ۇلىنىڭ امەريكاداعى العاشقى جەكپە-جەگىنىڭ ۋاقىتى بەلگىلى بولدى. بۇيىرسا، كاسىپقوي بوكس جانكۇيەرلەرى قازاق بوكس ستيلىن 28- قىركۇيەك كۇنى كورەدى. جانىبەك باتىر تاس ءتۇيىن دايىن! قارسىلاسى جاقىندا بەلگىلى بولادى»، - دەپ جازدى ءوزىنىڭ فەيسبۋك پاراقشاسىندا بوكسشىسىنىڭ مەنەدجەرى بەرىك سۇلتان.

بەلگىلى بولىپ وتىرعانداي، قازاقستاندىق بوكسشىنىڭ العاشقى جەكپە-جەگى ا ق ش كاليفورنيا شتاتىنىڭ الاميدا وكرۋگى وكلەند قالاسىندا وتەدى.

ەسكە سالا كەتەيىك، جانىبەك ءالىمحان ۇلى ۇستىمىزدەگى جىلدىڭ قاڭتار ايىندا ق ر ۇلتتىق قۇراماسىنداعى مانسابىنىڭ اياقتالعانىن جاريالاعان بولاتىن. كەيىننەن كاسىپقوي بوكسقا ءبىرجولا بەت بۇرعانى بەلگىلى بولدى.

ارادا كوپ وتپەي ونىڭ بەلگىلى پروموۋتەر بوب ارۋمنىڭ «Top Rank» كومپانياسىمەن كەلىسىمشارت جاساسقانى بەلگىلى بولعان.